ಅರ್ಧ ಲಕ್ಷ ದಾಟಿದ ಚಾಲಿ ಅಡಿಕೆ ಧಾರಣೆ

ಮಂಗಳೂರು: ಮಂಗಳೂರು ಹೊರ ಮಾರುಕಟ್ಟೆಯಲ್ಲಿ ಗುರುವಾರ ಚಾಲಿ ಅಡಿಕೆ (ಹೊಸತು) ಕೆ.ಜಿ.ಯೊಂದಕ್ಕೆ ₹ 505 ಧಾರಣೆ (ಕ್ವಿಂಟಲ್‌ಗೆ ₹50,500) ದೊರೆತಿದೆ.

ಸುಳ್ಯ ತಾಲ್ಲೂಕಿನ ಬೆಳ್ಳಾರೆಯಲ್ಲಿಯೂ ಈ ದರಕ್ಕೆ ಚಾಲಿ ಅಡಿಕೆ ಖರೀದಿಯಾದರೆ, ಕ್ಯಾಂಪ್ಕೊ ಮಾರುಕಟ್ಟೆಯಲ್ಲಿ ಕೆ.ಜಿ. ಯೊಂದಕ್ಕೆ ₹450 ದರ ದೊರೆಯಿತು. ‘ಉತ್ತರ ಭಾರತದಲ್ಲಿ ಅಡಿಕೆಗೆ ಬೇಡಿಕೆ ಹೆಚ್ಚುತ್ತಿರುವುದು ದರ ಏರಿಕೆಗೆ ಕಾರಣವಾಗಿದೆ. ಬೆಳೆಗಾರರು ಇನ್ನಷ್ಟು ದರ ಏರುವ ನಿರೀಕ್ಷೆಯಲ್ಲಿ ಸಿದ್ಧ ಉತ್ಪನ್ನಗಳನ್ನು ಸಂಗ್ರಹಿಸಿ ಇಟ್ಟುಕೊಂಡಿದ್ದಾರೆ’ ಎನ್ನುತ್ತಾರೆ ಮಾರುಕಟ್ಟೆ ವಿಶ್ಲೇಷಕರು.