ದ್ವಿತೀಯ ಪಿಯು: 13,599 ವಿದ್ಯಾರ್ಥಿಗಳು ತೇರ್ಗಡೆ

ಮಂಡ್ಯ: ಮಂಗಳವಾರ ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟಗೊಂಡಿದ್ದು ತರಗತಿಗೆ ದಾಖಲಾತಿ ಪಡೆದಿದ್ದ ಎಲ್ಲಾ 13,599 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ದಾರೆ.

ತೇರ್ಗಡೆ ಹೊಂದಿದ ಒಟ್ಟು ಸಂಖ್ಯೆಯಲ್ಲಿ 1,859 ಪುನವರ್ತಿತ ವಿದ್ಯಾರ್ಥಿಗಳಿದ್ದಾರೆ. 7,161 ಬಾಲಕರು, 8,297 ಬಾಲಕಿಯರು ತೇರ್ಗಡೆ ಹೊಂದಿದ್ದಾರೆ. ಕಲಾ ವಿಭಾಗದಿಂದ 3,666, ವಾಣಿಜ್ಯ ವಿಭಾಗದಿಂದ 5,395, ವಿಜ್ಞಾನ ವಿಭಾಗದಿಂದ 4,538 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ಧಾರೆ.

‘ಕೋವಿಡ್‌ನಿಂದಾಗಿ ಈ ಬಾರಿ ದ್ವಿತೀಯ ಪಿಯು ಪರೀಕ್ಷೆ ರದ್ದಾಗಿತ್ತು. ತರಗತಿಗೆ ದಾಖಲಾದ ಎಲ್ಲಾ ವಿದ್ಯಾರ್ಥಿಗಳನ್ನು ಉತ್ತೀರ್ಣಗೊಳಿಸಲಾಗಿದೆ.ಎಸ್ಸೆಸ್ಸೆಲ್ಸಿ ಅಂಕದ ಶೇ 45, ಪ್ರಥಮ ಪಿಯು ವಾರ್ಷಿಕ ಪರೀಕ್ಷೆ ಅಂಕದ ಶೇ 45 ಅಂಕದ ಜೊತೆಗೆ ಶೇ 10 ಆಂತರಿಕ ಪರೀಕ್ಷೆ ಅಂಕ ನೀಡುವ ಮೂಲಕ ವಿದ್ಯಾರ್ಥಿಗಳಿಗೆ ಗ್ರೇಡ್ ನೀಡಲಾಗಿದೆ’ ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪ ನಿರ್ದೇಶಕ ಆರ್‌.ಪುಟ್ಟಸ್ವಾಮಿ ಹೇಳಿದರು.