ಇವಳೇ ಯಾಕೆ

ನಾಕು ರಸ್ತೆ ಕೂಡಾಟ
ಸೀರೆ ಸೀಳಿ ಹರಿದ ಬಸಿರು
ಕಾಮಕೇಳಿ ಕೀಚಕ ಉಸಿರು
ತೊಡೆ ನೆತ್ತರ ತೊನೆ
ಅರಸಿದೆ ಎದೆ  ನೋವ ಕೊನೆ

ಎರಗಿ ಗಿಡುಗ ಅವಳ ಜೋಡಾಟ
ಕುಪ್ಪಳಿಸಿ ಹುಡುಗ
ಮೂರರ ಕೂಸು
ಮೊರೆದಿದೆ ಕಾಯೋ ಬೇಗ

ಹೆತ್ತನಕೆ ಬರೆ ಇಟ್ಟ ಗಂಡುದರ್ಪ
ಭಯಭಯಂಕರ ಪುರುಷಗರ್ವ
ಕನಸು ಕೊಂದು ತೆವಳಿದೆ ಸರ್ಪ
ಕಾಮೋತ್ಸವ ಪುಲ್ಲಿಂಗಪರ್ವ

ದೊಡ್ಡಿಯ  ಕಂದ ಕೊಟ್ಟಿಗೆಯ ಗೊಡ್ಡಿ
ಮುರುಕು ಮಾಡಿನ ಹುಚ್ಚಿ ಪಾಳಿ ಕೆಲಸದಾಕೆ
ಸುರತ ರಥಗಾಲಿಗೆ ಸಿಕ್ಕು ನಲುಗುವಾಕೆ
ಇವಳೇ ಯಾಕೆ
ಪಕ್ಷಪಾತಿ ರಥಶಿಲ್ಪಿ