ಚಂದಪದ್ಯ
ಮೊಬೈಲುಗಳೆರಡು
ರಸ್ತೆಯ ಬದಿಯಲಿ
ದೋಸ್ತಿಯ ಮಾಡಿದವು
ಕೆಂಪು ಮೊಬೈಲು ಉಶ್ ಉಶ್
ಎಂದಿತು ಒನಪಿನಲಿ
ಕೊಲವರಿ ಕೊಲವರಿ ಡಿ
ಎಂದಿತು ಮತ್ತೊಂದು
ಜೇಬಲಿ ಇಣುಕುತ
ಕೈಯೊಳು ಕುಣಿಯುತ
ಕಣ್ ಕಣ್ ಕೂಡಿದವು
ಸಿಂಗಲ್ ನಾನು
ಡಬಲ್ ಸಿಮ್ಮು ಆಗೋಣ
ಬಾರೆ ಎಂದಿತು ಕೆಂಪಣ್ಣ
ಪ್ರೀತಿಯ ಒಡೆಯ
ಬಿಡುವನೆ ನನ್ನ
ಎಂದಿತು ಕೆಂಪಕ್ಕ
ಕಣ್ಣನು ತಪ್ಪಿಸಿ
ಜಿಗಿಯುತ ಬಾರೆ
ಒಂದೆಡೆ ನಾವು ಸೇರೋಣ
ಬೇಡವೋ ಬೇಡ
ದೂರವೇ ಇದ್ದು
ಮೆಸೇಜ್ ನಾವು ಕಳಿಸೋಣ!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.