ಪುಟ್ಟ ಪುಟ್ಟ ಮಳೆಯೆ
ನಿಧಾನಕ್ಕೆ ಇಳಿಯೆ|
ನಡೆವುದೀಗ ಕಲಿತಿರುವೆ
ನಿನ್ನ ಬಳಿಗೆ ಬರುವೆ||
ಎಳೆಯ ಕಿವಿಯು ನನದು
ಗುಡುಗಬೇಡ ಮಳೆಯೆ|
ನೀರ ಮಣಿಯ ಕಿವಿಯಲಿಟ್ಟು
ಮುತ್ತಿನಂತೆ ಹೊಳೆಯೆ||
ಫಳ ಫಳ ಫಳ ಮಿಂಚಬೇಡ
ನನ್ನ ಹೆಸರೇ ಬೆಳಕು|
ನಿನ್ನ ಜೊತೆಯೆ ಆಡುವೆನು
ಚಿಟ ಪಟ ಹನಿ ಸಾಕು||
ಆಹಾ! ಎಷ್ಟು ಚಂದ ಮಳೆ
ನೆಗೆದು ನೆಗೆದು ಕುಣಿವೆ|
ಅಪ್ಪ ಬಯ್ವೂದಿಲ್ಲ ನನಗೆ
ಅಮ್ಮನಿಗೆ ಮಣಿವೆ||
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.