ಮಳೆ ಹನಿಯೇ
ಮಳೆ ಹನಿಯೇ
ನಿನ್ನ ನೋಡ ಬಂದರೆ!
ನೀರು ಯಾಕೆ?
ಹನಿಯು ಯಾಕೆ?
ಅಂತ ಅಮ್ಮ ಬೈತಾರೆ,
ಯಾಕೆ ಮಳೆಯೇ
ಹೇಳು ಹನಿಯೇ
ನಿನಗೂ ಅಮ್ಮಗೂ ಜಗಳವೇ?
ನಿನ್ನ ಹನಿಯು
ತಲೆಗೆ ಬರಲು
ಹಸಿಯ ಒರೆಸಿ ತಾಳುವಳು ಕೋಪವೇ!
ಶೀತ ಕೆಮ್ಮು
ಜ್ವರ ನೋವು
ಕೊಡುವೆಯಂತೆ ನನಗೆಯೇ!
ಮಳೆಯ ಕಡೆ
ಹೋಗಬೇಡ
ಮುದ್ದಿಸುತ್ತಾ ಹೇಳುತ್ತಾಳೆ ಹೀಗೆಯೇ!
ಕೋಪ ಬೇಡ
ಹೋಗ ಬೇಡ
ನಿಲ್ಲು ಬಂದೆ ಹೀಗೆಯೇ;
ಅಮ್ಮ ಅಡುಗೆ
ಮಾಡುತಿಹಳು
ಕದ್ದು ಬರುವೆ ನಿಲ್ಲೆ!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.