ಟಾಟಾ ಮೋಟರ್ಸ್‌ನಿಂದ ಸಂಚಾರಿ ಷೋರೂಂ ‘ಅನುಭವ್‌’

ಬೆಂಗಳೂರು: ಗ್ರಾಮೀಣ ಪ್ರದೇಶಗಳನ್ನು ಇನ್ನಷ್ಟು ಹೆಚ್ಚಿನ ಪ್ರಮಾಣದಲ್ಲಿ ತಲುಪುವ ಉದ್ದೇಶದಿಂದ ‘ಅನುಭವ್‌’ ಎನ್ನುವ ಸಂಚಾರಿ ಷೋರೂಂ ಅನ್ನು ಟಾಟಾ ಮೋಟರ್ಸ್‌ ಆರಂಭಿಸಿದೆ.

ಗ್ರಾಮೀಣ ಭಾಗಗಳಲ್ಲಿ ಕಂಪನಿಯ ಬ್ರ್ಯಾಂಡ್‌ ಬಗ್ಗೆ ಜಾಗೃತಿ ಮೂಡಿಸಲು 103 ಸಂಚಾರಿ ಷೋರೂಂಗಳು ಕಾರ್ಯನಿರ್ವಹಿಸಲಿವೆ. ಹೊಸ ಕಾರುಗಳು ಮತ್ತು ಎಸ್‌ಯುವಿಗಳು, ಬಿಡಿಭಾಗಗಳು, ಹಣಕಾಸು ಯೋಜನೆಗಳು, ಟೆಸ್ಟ್‌ಡ್ರೈವ್‌ ಮತ್ತು ವಿನಿಮಯ ಕುರಿತಾಗಿ ಗ್ರಾಹಕರಿಗೆ ತಿಳಿಸಲು ಆಯಾ ಪ್ರದೇಶಗಳಲ್ಲಿ ಲಭ್ಯ ಇರುವ ವಿತರಕರಿಗೆ ಈ ಸಂಚಾರಿ ಷೋರೂಂಗಳು ನೆರವಾಗಲಿವೆ ಎಂದು ಕಂಪನಿಯು ತಿಳಿಸಿದೆ.