ಅಮ್‌ಸ್ಟರ್‌ಡ್ಯಾಂಗೆ ನೇರ ವಿಮಾನ

ಬೆಂಗಳೂರು: ವಿಮಾನಯಾನ ಸಂಸ್ಥೆ ಜೆಟ್‌ ಏರ್‌ವೇಸ್‌, ಬೆಂಗಳೂರು–ಅಮ್‌ಸ್ಟರ್‌ಡ್ಯಾಂ ನಡುವೆ ನೇರ ವಿಮಾನ ಸೇವೆ ಒದಗಿಸಲಿದೆ.
ಅಕ್ಟೋಬರ್‌ 29ರಿಂದ ಸೇವೆ ಆರಂಭಗೊಳ್ಳಲಿದೆ. ‌

ಯುರೋಪ್‌ ಮತ್ತು ದಕ್ಷಿಣ ಅಮೆರಿಕದ ತಾಣಗಳಿಗೆ ಭೇಟಿ ನೀಡುವ ಯಾತ್ರಿಕರಿಗೆ ಇದರಿಂದ ಹೆಚ್ಚು ಪ್ರಯೋಜನ ದೊರೆಯಲಿದೆ  ಎಂದು ಸಂಸ್ಥೆ ತಿಳಿಸಿದೆ.

ಇದು ಸಂಸ್ಥೆ ಒದಗಿಸುತ್ತಿರುವ ಮೂರನೇ ಸೇವೆಯಾಗಿದ್ದು, ಈಗಾಗಲೇ ದೆಹಲಿ ಮತ್ತು ಮುಂಬೈ ನಗರಗಳಿಂದ ಅಮ್‌ಸ್ಟರ್‌ಡ್ಯಾಂಗೆ ನೇರ ವಿಮಾನ ಸೌಲಭ್ಯ ಒದಗಿಸುತ್ತಿದೆ.

ಕೆಎಲ್‌ಎಂ ರಾಯಲ್‌ ಡಚ್‌ ಏರ್‌ಲೈನ್ಸ್, ಏರ್‌ ಫ್ರಾನ್ಸ್‌ ಮತ್ತು ಡೆಲ್ಟಾ ಏರ್‌ಲೈನ್ಸ್‌ ಸಹಯೋಗದಲ್ಲಿ ಸೇವೆ ಒದಗಿಸಲಾಗುತ್ತಿದೆ.