ಕಾಫಿ ರಫ್ತು ಕುಸಿತ

ನವದೆಹಲಿ (ಪಿಟಿಐ): ಪ್ರಸಕ್ತ ಹಣಕಾಸು ವರ್ಷದ ಮೊದಲ 10 ತಿಂಗಳಲ್ಲಿ ದೇಶದಿಂದ 2.81 ಲಕ್ಷ ಟನ್‌ಗಳಷ್ಟು ಕಾಫಿ  ರಫ್ತಾಗಿದ್ದು, ರೂ 4,255 ಕೋಟಿ ವಹಿವಾಟು ನಡೆದಿದೆ.

ಆದರೆ,  2011ನೇ ಸಾಲಿನ ಜನವರಿ-ಅಕ್ಟೋಬರ್ ಅವಧಿಗೆ ಹೋಲಿಸಿದರೆ ರಫ್ತು     ಶೇ 7ರಷ್ಟು ಕುಸಿತ ಕಂಡಿದೆ ಎಂದು ಕಾಫಿ ಮಂಡಳಿ ಹೇಳಿದೆ.

ಅರೇಬಿಕಾ ತಳಿ ರಫ್ತು ಶೇ 8ರಷ್ಟು ಹೆಚ್ಚಿದ್ದು, 54,048 ಟನ್‌ಗಳಷ್ಟಾಗಿದೆ. ರೊಬಸ್ಟಾ ತಳಿ  1,48, 869 ಟನ್‌ಗಳಿಗೆ ಇಳಿಕೆ ಕಂಡಿದೆ.  ಪ್ರಸಕ್ತ ಕಾಫಿ ಇಳುವರಿ ವರ್ಷದ (ಅಕ್ಟೋಬರ್-ಸೆಪ್ಟೆಂಬರ್) ಮೊದಲ 3 ತಿಂಗಳಲ್ಲಿ 18,990 ಟನ್‌ಗಳಷ್ಟು ಕಾಫಿ ರಫ್ತಾಗಿದೆ.