ಚಿನ್ನ, ಬೆಳ್ಳಿ ಧಾರಣೆ ಕುಸಿತ

ನವದೆಹಲಿ (ಪಿಟಿಐ): ಹೂಡಿಕೆದಾರರಿಂದ ಮಾರಾಟ ಒತ್ತಡ ಹಿನ್ನೆಲೆಯಲ್ಲಿ ಚಿನ್ನದ ಧಾರಣೆ ಮತ್ತೆ ಕುಸಿದಿದೆ. ಶನಿವಾರ ಇಲ್ಲಿ  ಸ್ಟ್ಯಾಂಡರ್ಡ್ ಚಿನ್ನದ ಧಾರಣೆ 10 ಗ್ರಾಂಗಳಿಗೆ ರೂ440  ಇಳಿಕೆ ಕಂಡು ರೂ 27,350ರಷ್ಟಾಗಿದೆ.  ಬೆಳ್ಳಿ ಬೆಲೆ ಕೆ.ಜಿಗೆ ರೂ980 ಕುಸಿದಿದ್ದು ರೂ44,120 ರಷ್ಟಾಗಿದೆ. 

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆ ಎರಡು ವಾರಗಳ ಹಿಂದಿನ ಮಟ್ಟಕ್ಕೆ ಕುಸಿದಿದೆ.

ಮುಂಬೈ ಚಿನಿವಾರ ಪೇಟೆಯಲ್ಲಿ ಶನಿವಾರ ಸ್ಟ್ಯಾಂಡರ್ಡ್ ಚಿನ್ನದ ಬೆಲೆ 10 ಗ್ರಾಂಗಳಿಗೆ ರೂ 300 ಇಳಿಕೆ ಕಂಡು 27 ಸಾವಿರದ ಗಡಿ ಇಳಿದಿದೆ. ಚಿನ್ನ ರೂ 26,900ಕ್ಕೆ ಮತ್ತು ಬೆಳ್ಳಿ ಧಾರಣೆ ಕೆ.ಜಿಗೆ ರೂ 545 ಕುಸಿದಿದ್ದು ರೂ44,675ಕ್ಕೆ ಜಾರಿದೆ.