ಜಿಎಸ್‌ಟಿ ಸಂಗ್ರಹ ಇಳಿಕೆ

ನವದೆಹಲಿ: ಫೆಬ್ರುವರಿ ತಿಂಗಳಿನಲ್ಲಿ ರಿಟರ್ನ್ಸ್‌ ಸಲ್ಲಿಕೆ ಕಡಿಮೆ ಆಗಿರುವುದರಿಂದ ಜಿಎಸ್‌ಟಿ ಸಂಗ್ರಹದಲ್ಲಿ ಮತ್ತೆ ಇಳಿಕೆ ಕಾಣುವಂತಾಗಿದೆ.

ಜನವರಿಯಲ್ಲಿ ₹ 86,318 ಕೋಟಿ ಇತ್ತು. ಅದು ಫೆಬ್ರುವರಿಯಲ್ಲಿ ₹ 85,174 ಕೋಟಿಗೆ ಇಳಿಕೆ ಕಂಡಿದೆ.

ಮಾರ್ಚ್‌ 25ರವರೆಗೆ, ಫೆಬ್ರುವರಿ ತಿಂಗಳ 59.51 ಲಕ್ಷ ಜಿಎಸ್‌ಟಿಆರ್‌–3ಬಿ ಸಲ್ಲಿಕೆಯಾಗಿದೆ. ಒಟ್ಟು ತೆರಿಗೆಪಾವತಿದಾರರ ಸಂಖ್ಯೆಗೆ ಹೋಲಿಸಿದರೆ ಶೇ 69 ರಷ್ಟು ಮಾತ್ರ ಎಂದು ಹಣಕಾಸು ಸಚಿವಾಲಯದ ಪ್ರಕಟಣೆ ತಿಳಿಸಿದೆ.