ನವದೆಹಲಿ: ದೇಶದ ಅತಿದೊಡ್ಡ ಸಾಫ್ಟ್ವೇರ್ ರಫ್ತು ಸಂಸ್ಥೆಯಾಗಿರುವ ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್ನ (ಟಿಸಿಎಸ್) ಷೇರು ಮಾರುಕಟ್ಟೆ ಮೌಲ್ಯವು ₹ 7 ಲಕ್ಷ ಕೋಟಿ ದಾಟಿದೆ.
ಈ ಮೈಲುಗಲ್ಲು ದಾಖಲಿಸಿದ ದೇಶದ ಮೊದಲ ಸಂಸ್ಥೆ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಶುಕ್ರವಾರದ ವಹಿವಾಟಿನಲ್ಲಿ ಸಂಸ್ಥೆಯ ಷೇರು ಬೆಲೆ ಶೇ 1.91ರಷ್ಟು ಹೆಚ್ಚಾಗಿ ₹ 3,674ಕ್ಕೆ ತಲುಪಿತ್ತು.
ಈ ವರ್ಷದಲ್ಲಿ ಇದುವರೆಗೆ ಸಂಸ್ಥೆಯ ಷೇರು ಶೇ 35ರಷ್ಟು ಹೆಚ್ಚಳ ಕಂಡಿದೆ.
ಹಿಂದಿನ ತಿಂಗಳಿನಲ್ಲಿ ದಿನದ ವಹಿವಾಟನ್ನು ₹ 6.50 ಲಕ್ಷ ಕೋಟಿ ಮಾರುಕಟ್ಟೆ ಮೌಲ್ಯದೊಂದಿಗೆ ಕೊನೆಗೊಳಿಸಿದ ಮೊದಲ ಸಂಸ್ಥೆ ಎನ್ನುವ ದಾಖಲೆಗೂ ಟಿಸಿಎಸ್ ಪಾತ್ರವಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.