ಟೀ ಮಂಡಳಿಗೆ ನಟರಾಜ್ ಆಯ್ಕೆ

ಬೆಂಗಳೂರು: ಭಾರತ ಟೀ ಮಂಡಳಿಯ ನೂತನ ಉಪಾಧ್ಯಕ್ಷರಾಗಿ  ಕರ್ನಾಟಕದ  ಸಿ.ಎನ್.ನಟರಾಜ್  ಆಯ್ಕೆಯಾಗಿದ್ದಾರೆ. 

 ಕೋಲ್ಕತ್ತದಲ್ಲಿ ಇತ್ತೀಚೆಗೆ ನಡೆದ ಟೀ ಮಂಡಳಿ ಸಭೆಯಲ್ಲಿ ನಟರಾಜ್ ಅವರನ್ನು 2011-12ನೇ ಸಾಲಿನ ಉಪಾಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಯಿತು .

ಸದ್ಯ  ದಕ್ಷಿಣ ಭಾರತ ಪ್ಲಾಂಟೇಷನ್ ಬೆಳೆಗಾರರ ಸಂಯುಕ್ತ ಒಕ್ಕೂಟದ (ಉಪಾಸಿ) ಅಧ್ಯಕ್ಷರಾಗಿರುವ ಚಿಕ್ಕಮಗಳೂರಿನ ಕಾಫಿ ಪ್ಲಾಂಟರ್ ನಟರಾಜ್,  ಸಂಬಾರ ಮಂಡಳಿ ಉಪಾಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದರು.