`ನಕಲಿ ಐಎಂಇಐ 1300 ಪ್ರಕರಣ'

ನವದೆಹಲಿ (ಪಿಟಿಐ): ಅಂತರರಾಷ್ಟ್ರೀಯ ಮೊಬೈಲ್ ಫೋನ್ ಗುರುತಿನ ಸಂಖ್ಯೆ(ಐಎಂಇಐ)ಗೆ ಬದಲಾಗಿ ನಕಲಿ ಸಂಖ್ಯೆ ಬಳಸುತ್ತಿರುವುದರ ಸಂಬಂಧ 2009ರಿಂದ 2012ರವರೆಗೆ ಒಟ್ಟು 1,300 ಪ್ರಕರಣಗಳು ವರದಿಯಾಗಿವೆ ಎಂದು ಮಾಹಿತಿ ತಂತ್ರಜ್ಞಾನ ಖಾತೆ ರಾಜ್ಯ ಸಚಿವ ಮಿಲಿಂದ್ ದೇವ್ರಾ ಲೋಕಸಭೆಗೆ ತಿಳಿಸಿದರು.
 

ಒಂದೇ `ಐಎಂಇಐ' ಸಂಖ್ಯೆಯನ್ನು 100ಕ್ಕೂ ಹೆಚ್ಚು ಹ್ಯಾಂಡ್‌ಸೆಟ್‌ಗಳಲ್ಲಿ ಬಳಸಲಾಗಿದೆ. 2010 ಮತ್ತು 11ರಲ್ಲಿ ಕ್ರಮವಾಗಿ ಇಂತಹ 749 ಮತ್ತು 569 ಪ್ರಕರಣ ವರದಿಯಾಗಿವೆ ಎಂದು ಅವರು ವಿವರ ನೀಡಿದರು.
 

ಚೀನಾ ಸೇರಿದಂತೆ ವಿದೇಶಗಳಿಂದ ಅಕ್ರಮವಾಗಿ ಆಮದು ಮಾಡಿಕೊಳ್ಳುವ ಅಗ್ಗದ ದರದ ಬ್ರಾಂಡೆಡ್ ರಹಿತ ಹ್ಯಾಂಡ್‌ಸೆಟ್‌ಗಳಲ್ಲಿ ಒಂದೇ ರೀತಿಯ `ಐಎಂಇಐ' ಸಂಖ್ಯೆ ಇರುವುದು ಪತ್ತೆಯಾಗಿದೆ ಎಂದು ಮಾಹಿತಿ ನೀಡಿದರು.