ನಾಸಿಕ್: ಈರುಳ್ಳಿ ಹರಾಜು ಸ್ಥಗಿತ

ನಾಸಿಕ್ (ಪಿಟಿಐ): ದೇಶದಲ್ಲಿಯೇ ಅತಿ ಹೆಚ್ಚು ಈರುಳ್ಳಿ ವಹಿವಾಟು ನಡೆಸುವ ನಾಸಿಕ್ ಜಿಲ್ಲೆ ವ್ಯಾಪ್ತಿಯ ಎಲ್ಲ ಕೃಷಿ ಉತ್ಪನ್ನ ಮಾರುಕಟ್ಟೆ(ಎಪಿಎಂಸಿ)ಗಳಲ್ಲಿ ಶುಕ್ರವಾರದಿಂದ ಅನಿರ್ದಿಷ್ಟಾವಧಿವ ರೆಗೂ ಈರುಳ್ಳಿ ಹರಾಜು ಪ್ರಕ್ರಿಯೆ ಸ್ಥಗಿತಗೊಂಡಿದೆ. ಇದು ದೇಶದ ಹಲವೆಡೆಯ ಈರುಳ್ಳಿ ವಹಿವಾಟು ಮತ್ತು ಧಾರಣೆ ಮೇಲೆ ಭಾರಿ ಪರಿಣಾಮ ಬೀರುವ ಸಂಭವವಿದೆ.

ನಾಸಿಕ್ ಜಿಲ್ಲೆಯ ಲಾಸಲ್‌ಗಾಂವ್ ಮತ್ತು ಪಿಂಪಲ್‌ಗಾಂವ್ ಬಸ್ವಂತ್ ಎಪಿಎಂಸಿ ಈರುಳ್ಳಿಯ ದೊಡ್ಡ ಹರಾಜು ಕಟ್ಟೆಯಾಗಿವೆ. ಇಲ್ಲಿಯೂ ಹರಾಜು ನಿಲುಗಡೆಗೊಂಡಿದೆ.

`ಇಲ್ಲಿನ ವರ್ತಕರು ಮತ್ತು ತೂಕ ಹಾಕುವ ಸಿಬ್ಬಂದಿ ನಡುವಿನ ವಿವಾದವೇ ಈರುಳ್ಳಿ ಹರಾಜು ದಿಢೀರ್ ಸ್ಥಗಿತಕ್ಕೆ ಕಾರಣ. ಹರಾಜು ಮತ್ತೆ ಯಾವಾಗ ಆರಂಭಗೊಳ್ಳಲಿದೆ ಎಂದು ಈಗಲೇ ಹೇಳಲು ಸಾಧ್ಯವಿಲ್ಲ~ ಎಂದು ಲಾಸಲ್‌ಗಾಂವ್ ಎಪಿಎಂಸಿ ಅಧ್ಯಕ್ಷ ಜೈದತ್ತ ಹೋಳ್ಕರ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.