ನೇರ ತೆರಿಗೆ ಸಂಗ್ರಹ ರೂ. 4.66 ಲಕ್ಷ ಕೋಟಿ

ನವದೆಹಲಿ (ಪಿಟಿಐ): ಪ್ರಸಕ್ತ ಹಣಕಾಸು ವರ್ಷದಲ್ಲಿ ನೇರ ತೆರಿಗೆ ಮೂಲಕ ಒಟ್ಟು ರೂ. 6.36 ಲಕ್ಷ ಕೋಟಿ ಸಂಗ್ರಹಿಸುವ ಗುರಿಯನ್ನು ಹಣಕಾಸು ಸಚಿವಾಲಯ ನಿಗದಿಪಡಿ­ಸಿದೆ. ಇದ­ರಲ್ಲಿ ಶೇ 73ರಷ್ಟು ಗುರಿ­ಯನ್ನು ಈಗಾಗಲೇ ತಲುಪಲಾ­ಗಿದೆ ಎಂದು ಆದಾಯ ತೆರಿಗೆ ಇಲಾಖೆ ಹೇಳಿದೆ.

ಇದುವರೆಗೆ ನೇರ ತೆರಿಗೆ ರೂಪದಲ್ಲಿ ರೂ. 5.44 ಲಕ್ಷ ಕೋಟಿ ಸಂಗ್ರಹ­ವಾಗಿದೆ. ಇದರಲ್ಲಿ   ಆದಾಯ ತೆರಿಗೆ ಲೆಕ್ಕಪತ್ರ ಸಲ್ಲಿಸಿ­ದ­ವರಿಗೆ (ಐ.ಟಿ ರಿಟರ್ನ್ಸ್‌) ರೂ. 78,893 ಕೋಟಿ ಮರು ಪಾವತಿಸ­ಲಾಗಿದೆ. ಹೀಗಾಗಿ ನಿವ್ವಳ ನೇರ ತೆರಿಗೆ ಸಂಗ್ರಹ ರೂ. 4.66 ಲಕ್ಷ ಕೋಟಿ.­ ಸರ್ಕಾರ ನಿಗದಿ­ಪಡಿಸಿರುವ ಗುರಿ­ಯನ್ನು ಹಣಕಾಸು ವರ್ಷದ ಅಂತ್ಯದೊ­ಳಗೆ ತಲು­ಪುವ ವಿಶ್ವಾಸ ಇದೆ ಎಂದು ಆದಾಯ ತೆರಿಗೆ ಇಲಾಖೆಯ ಉನ್ನತ ಅಧಿಕಾರಿಯೊ­ಬ್ಬರು ಸುದ್ದಿ­ಸಂಸ್ಥೆಗೆ ತಿಳಿಸಿದ್ದಾರೆ.

ತೆರಿಗೆ ವಂಚಿಸಿರುವ 21.75 ಲಕ್ಷ ಜನರಿಗೆ ಇಲಾಖೆ ನೋಟಿಸ್‌ ನೀಡಿದೆ. ಕೇಂದ್ರ ನೇರ ತೆರಿಗೆ ಮಂಡಳಿ ವಂಚನೆ ಪ್ರಕರಣಗಳ ಮೇಲೆ ತೀವ್ರ ನಿಗಾ ವಹಿಸುತ್ತಿದೆ ಎಂದರು.