ಫಿನೊ ಪೇಮೆಂಟ್ಸ್‌ ಬ್ಯಾಂಕ್‌ಗೆ ಚಾಲನೆ

ಮುಂಬೈ: ಫಿನೊ ಪೇಮೆಂಟ್ಸ್‌ ಬ್ಯಾಂಕ್‌  ಸೋಮವಾರದಿಂದ 14 ರಾಜ್ಯಗಳಲ್ಲಿ ಕಾರ್ಯಾರಂಭ ಮಾಡಿದೆ.

ಆರಂಭದ ದಿನದಿಂದಲೇ 410 ಶಾಖೆಗಳು ಕಾರ್ಯಾರಂಭ ಮಾಡಿವೆ. ‘ಭೌತಿಕ ಸ್ವರೂಪದ ಮತ್ತು ಡಿಜಿಟಲ್‌ ಸೌಲಭ್ಯಗಳ ಮೂಲಕ ಗ್ರಾಹಕರಿಗೆ ಸರಳ ಮತ್ತು ಅನುಕೂಲಕರ ಬ್ಯಾಂಕಿಂಗ್‌ ಸೌಲಭ್ಯ ಒದಗಿಸುವುದು ನಮ್ಮ  ಉದ್ದೇಶವಾಗಿದೆ’ ಎಂದು ಬ್ಯಾಂಕ್‌ನ ಸಿಇಒ ರಿಷಿ ಗುಪ್ತ ಹೇಳಿದ್ದಾರೆ.

ಉಳಿತಾಯ, ಚಾಲ್ತಿ ಖಾತೆ, ಮೊಬೈಲ್‌ ಬ್ಯಾಂಕಿಂಗ್‌, ವಿಮೆ ಸೌಲಭ್ಯಗಳು ಈ ಶಾಖೆಗಳಲ್ಲಿ ಲಭ್ಯ ಇರಲಿವೆ. ಗ್ರಾಹಕರಿಗೆ ತಕ್ಷಣ ಖಾತೆ ತೆರೆಯುವ ಸೌಲಭ್ಯ ಒದಗಿಸಲಾಗಿದೆ.

ಮೊದಲ ವರ್ಷ 40 ಲಕ್ಷದವರೆಗೆ ಗ್ರಾಹಕರನ್ನು ಹೊಂದುವ ಗುರಿ ನಿಗದಿಪಡಿಸಲಾಗಿದೆ. ಕ್ರಮೇಣ ಶಾಖೆಗಳ ಸಂಖ್ಯೆಯನ್ನು ಒಂದು ಸಾವಿರಕ್ಕೆ ಹೆಚ್ಚಿಸಲು ಉದ್ದೇಶಿಸಲಾಗಿದೆ.