ಲಾಭದತ್ತ ಔಷಧ ತಯಾರಿಕಾ ಕ್ಷೇತ್ರ

ಮುಂಬೈ (ಪಿಟಿಐ): ಡಿಸೆಂಬರ್‌ಗೆ  ಅಂತ್ಯಗೊಂಡ ಪ್ರಸಕ್ತ ಹಣಕಾಸು ವರ್ಷದ 3ನೇ ತ್ರೈಮಾಸಿಕ ಅವಧಿ­ಯಲ್ಲಿ ಔಷಧ ತಯಾರಿಕಾ ಕಂಪೆನಿಗಳ ಒಟ್ಟು ಲಾಭಾಂಶ ವಾರ್ಷಿಕ ಶೇ 15ರಷ್ಟು ವೃದ್ಧಿಯಾಗುವ ಸಾಧ್ಯತೆ ಕಂಡುಬಂದಿದೆ.

‘4ನೇ ತ್ರೈಮಾಸಿಕ ಅವಧಿಯಲ್ಲಿ­ಯಂತೂ ಔಷಧ ತಯಾರಿಕಾ ಉದ್ಯಮ ದೊಡ್ಡ ಲಾಭದತ್ತ ಸಾಗುವ ನಿರೀಕ್ಷೆ­ಯಿದೆ. ಈ ಕ್ಷೇತ್ರಕ್ಕೆ ಅಮೆರಿಕ ಕಂಪೆನಿಗಳ ಪ್ರವೇಶ ಮತ್ತು ವಿದೇಶಿ ವಿನಿಮಯ ಮೌಲ್ಯದ ಅನುಕೂಲಕರ ಬೆಳವಣಿಗೆ ಈ ನಿಟ್ಟಿನಲ್ಲಿ ಸಹಕಾರಿ­ಯಾದ ಪ್ರಮುಖ ಅಂಶಗಳಾಗಿವೆ’ ಎಂದು ‘ಕೋಟಕ್‌ ಇನ್‌ಸ್ಟಿಟ್ಯೂಷ­ನಲ್‌ ಇಕ್ಸಿಟಿಸ್‌’ ಇತ್ತೀಚೆಗೆ ಪ್ರಕಟಿಸಿದ ವರದಿಯಲ್ಲಿ ತಿಳಿಸಿದೆ.

ಔಷಧ ತಯಾರಿಕಾ ಕ್ಷೇತ್ರದಲ್ಲಿ ದೇಶಿಯ ಲಾಭಾಂಶ ವೃದ್ಧಿ ಕೆಳಮಟ್ಟ­ದ­­ಲ್ಲಿ­ದ್ದರೂ, ಅಮೆರಿಕದ ಪ್ರವೇಶ ಸದೃ­ಢ­ವಾಗಿ ಉಳಿದಿದೆ. ಅಲ್ಲದೆ, ಆ ದೇಶದ ಪ್ರಾಡಕ್ಟ್‌ ಮಿಕ್ಸ್‌ ಮತ್ತು ಕರೆನ್ಸಿ ಭಾರತೀಯ ಜೆನೆರಿಕ್ಸ್‌ನ ಚೇತ­ರಿಕೆಗೆ ಪ್ರಮುಖ ಚಾಲಕ ಶಕ್ತಿ­ಗಳಾ­ಗಲಿವೆ ಎಂದು ವರದಿ ಗಮನ ಸೆಳೆದಿದೆ.

‘ಸದ್ಯದ ತ್ರೈಮಾಸಿಕ ಅವಧಿಯಲ್ಲಿ ಭಾರತೀಯ ರೂಪಾಯಿ ಹಿಂದಿನ ತ್ರೈಮಾಸಿಕ ಅವಧಿಯ ಅಂತ್ಯಕ್ಕೆ ಕ್ರಮವಾಗಿ ಶೇ 1ರಷ್ಟು  ಏರಿಕೆ ಕಂಡಿರುವುದರಿಂದ ಔಷಧ ತಯಾರಿಕಾ ಕಂಪೆನಿಗಳ ಲಾಭಾಂಶ ಪ್ರಗತಿ ಹೊಂದಬಹುದು ಎಂಬ ನಿರೀಕ್ಷೆಯಿದೆ’ ಎಂದು ವರದಿಯಲ್ಲಿ ತಿಳಿಸಿದೆ.