ಸಿದ್ಧ ಉಡುಪು; ತಗ್ಗಿದ ರಫ್ತು

ನವದೆಹಲಿ(ಪಿಟಿಐ): ದೇಶದ ಸಿದ್ಧ ಉಡುಪು ರಫ್ತು ಪ್ರಮಾಣ 2011ರ ಜೂನ್‌ಗೆ ಹೋಲಿಸಿದರೆ ಪ್ರಸಕ್ತ ವರ್ಷದ ಜೂನ್‌ನಲ್ಲಿ ಶೇ 10.5ರಷ್ಟು ಕಡಿಮೆ ಆಗಿದೆ.

ಅಮೆರಿಕ ಮತ್ತು ಯೂರೋಪ್ ಮಾರುಕಟ್ಟೆಯಿಂದ ಬೇಡಿಕೆ ತಗ್ಗಿದ ಪರಿಣಾಮ ಜೂನ್‌ನಲ್ಲಿ ಭಾರತದ ಸಿದ್ಧ ಉಡುಪು ರಫ್ತು 110 ಕೋಟಿ ಡಾಲರ್‌ಗೆ ಇಳಿಕೆಯಾಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 120 ಕೋಟಿ ಡಾಲರ್‌ನಷ್ಟು ಇದ್ದಿತು.

ಪ್ರಸಕ್ತ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ (ಏಪ್ರಿಲ್-ಜೂನ್) ಸಿದ್ಧ ಉಡುಪು ರಫ್ತು 320 ಕೋಟಿ ಡಾಲರ್‌ಗೆ ಕುಸಿದಿದೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೆ 12ರಷ್ಟು ಕಡಿಮೆ ಆಗಿದೆ.

`ಅಮೆರಿಕ ಮತ್ತು ಯೂರೋಪ್ ಮಾರುಕಟ್ಟೆಯಲ್ಲಿ ಸಿದ್ಧ ಉಡುಪು ಖರೀದಿಯೇ ಬಹಳ ಕಡಿಮೆ ಆಗಿದೆ~ ಎಂದು ಸಿದ್ಧ ಉಡುಪು ರಫ್ತು ಉತ್ತೇಜನಾ ಸಮಿತಿಯ ಹಂಗಾಮಿ ಮಹಾ ಕಾರ್ಯದರ್ಶಿ ವಿಜಯ್ ಮಾಥುರ್ ಹೇಳಿದ್ದಾರೆ.