ಹೂಡಿಕೆ ಆಕರ್ಷಿಸಲು ಸಿಂಗಪುರದಲ್ಲಿ ಪ್ರಚಾರ

ಸಿಂಗಪುರ (ಪಿಟಿಐ): ರಾಜ್ಯದ ತಯಾರಿಕೆ ವಲಯದಲ್ಲಿ ಬಂಡವಾಳ ತೊಡಗಿಸುವಂತೆ ಜಪಾನಿನ ಹೂಡಿಕೆದಾರರ ಮನವೊಲಿಸಲಾಗುವುದು. ಹೂಡಿಕೆ ಆಕರ್ಷಿಸಲು ಈ ವಾರ ಟೊಕಿಯೊ ಮತ್ತು ಒಸಾಕದಲ್ಲಿ `ರೋಡ್~ಷೋಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ರಾಜ್ಯ ಕೈಗಾರಿಕಾ ಸಚಿವ ಮುರುಗೇಶ ಆರ್. ನಿರಾಣಿ ತಿಳಿಸಿದ್ದಾರೆ.

ರಾಜ್ಯದ ತಯಾರಿಕೆ ವಲಯದಲ್ಲಿ  ಬಂಡವಾಳ ತೊಡಗಿಸಲು ಇರುವ ಅವಕಾಶಗಳ ಕುರಿತು ಮನವರಿಕೆ  ಮಾಡಿಕೊಡಲು ರೋಡ್‌ಷೋ ಹಮ್ಮಿಕೊಳ್ಳಲಾಗಿದೆ ಎಂದರು. 

ನವೀಕರಿಸಬಹುದಾದ ಇಂಧನ ವಲಯದಲ್ಲೂ ಹೂಡಿಕೆಗೆ ವಿಪುಲ ಅವಕಾಶಗಳಿವೆ ಎಂದೂ ಅವರು ಹೇಳಿದ್ದಾರೆ.