1,300 ವಿದೇಶಿ ಹೂಡಿಕೆದಾರರ ವಹಿವಾಟಿಗೆ ನೋಂದಣಿ

ನವದೆಹಲಿ: 2017–18ರಲ್ಲಿ ಹೊಸದಾಗಿ 1,300 ವಿದೇಶಿ ಹೂಡಿಕೆದಾರರು (ಎಫ್‌ಪಿಐ) ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಯಲ್ಲಿ (ಸೆಬಿ) ನೋಂದಾಯಿಸಿಕೊಂಡಿದ್ದಾರೆ.

ಇದರಿಂದ ಮಾರ್ಚ್ ಅಂತ್ಯಕ್ಕೆ ಒಟ್ಟು ಎಫ್‌ಪಿಐ ಸಂಖ್ಯೆ 9,136ಕ್ಕೆ ತಲುಪಿದೆ.

ಭಾರತದ ಬಂಡವಾಳ ಮಾರುಕಟ್ಟೆಯಲ್ಲಿ ಷೇರುಗಳು ಮತ್ತು ಬಾಂಡ್‌ಗಳ ಬಗ್ಗೆ ವಿದೇಶಿ ಹೂಡಿಕೆದಾರರು ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ ಎಂದು ‘ಸೆಬಿ’ ಹೇಳಿದೆ.

2016–17ನೇ ಹಣಕಾಸು ವರ್ಷದಲ್ಲಿ ಹೊಸದಾಗಿ 3,500 ವಿದೇಶಿ ಹೂಡಿಕೆದಾರರು ನೋಂದಾಯಿಸಿಕೊಂಡಿದ್ದರು.