ಬಯೊಕಾನ್ ನಿವ್ವಳ ಲಾಭ ₹ 123 ಕೋಟಿ

ಬೆಂಗಳೂರು: ಜೈವಿಕ ತಂತ್ರಜ್ಞಾನ ಕ್ಷೇತ್ರದ ಪ್ರಮುಖ ಕಂಪನಿ ಬಯೊಕಾನ್‌, 2019–20ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 123 ಕೋಟಿ ನಿವ್ವಳ ಲಾಭ ಗಳಿಸಿದೆ.

ವರ್ಷದ ಹಿಂದಿನ ಇದೇ ಅವಧಿಯಲ್ಲಿನ ₹ 214 ಕೋಟಿ ನಿವ್ವಳ ಲಾಭಕ್ಕೆ ಹೋಲಿಸಿದರೆ ಈ ಬಾರಿ ಶೇ 42ರಷ್ಟು ಕಡಿಮೆಯಾಗಿದೆ. ವರಮಾನವು ಶೇ 6ರಷ್ಟು ಹೆಚ್ಚಾಗಿ ₹ 1,557 ಕೋಟಿಗಳಿಂದ ₹ 1,644 ಕೋಟಿಗೆ ತಲುಪಿದೆ. ವಹಿವಾಟಿನ ಮೇಲೆ ಕೋವಿಡ್‌ ದಿಗ್ಬಂಧನದ ಪರಿಣಾಮದಿಂದ ಲಾಭ ಕುಸಿದಿದೆ ಎಂದು ಕಂಪನಿ ತಿಳಿಸಿದೆ.