ಕಂಪನಿ ತೆರಿಗೆ ಕಡಿತಮಸೂದೆ ಮಂಡನೆ

ನವದೆಹಲಿ : ಕಾರ್ಪೊರೇಟ್‌ ತೆರಿಗೆ ಕಡಿತಕ್ಕೆ ಸಂಬಂಧಿಸಿದಂತೆ ಹೊರಡಿಸಲಾಗಿದ್ದ ಸುಗ್ರೀವಾಜ್ಞೆ ಬದಲಿಗೆ, ಲೋಕಸಭೆಯಲ್ಲಿ ತೆರಿಗೆ ಕಾನೂನುಗಳ (ತಿದ್ದುಪಡಿ) ಮಸೂದೆ 2019 ಮಂಡಿಸಲಾಗಿದೆ.

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಈ ಮಸೂದೆ ಮಂಡಿಸಿದರು. ಮಂದಗತಿಯ ಆರ್ಥಿಕತೆಗೆ ಚೇತರಿಕೆ ನೀಡುವ ಉದ್ದೇಶದಿಂದ ಕಾರ್ಪೊರೇಟ್‌ ತೆರಿಗೆಯನ್ನು ಶೇ 30ರಿಂದ ಶೇ 22ಕ್ಕೆ ಇಳಿಸಿ ಸೆಪ್ಟೆಂಬರ್‌ 20ರಂದು ಸುಗ್ರೀವಾಜ್ಞೆ ಹೊರಡಿಸಲಾಗಿತ್ತು.

ಭಾರತದಲ್ಲಿ ಐಫೋನ್‌ ತಯಾರಿಕಾ ಘಟಕ

ನವದೆಹಲಿ (ಪಿಟಿಐ): ತಂತ್ರಜ್ಞಾನ ದೈತ್ಯ ಕಂಪನಿ ಆ್ಯಪಲ್‌, ಭಾರತದಲ್ಲಿ ಐಫೋನ್‌ ಎಕ್ಸ್‌ಆರ್‌ ತಯಾರಿಕೆಗೆ ಚಾಲನೆ ನೀಡಿದೆ.

‘ದೇಶದಲ್ಲಿ ಮೊಬೈಲ್‌ ತಯಾರಿಕೆ ಹೆಚ್ಚಿಸುವ ಸರ್ಕಾರದ ಪ್ರಯತ್ನದ ಫಲ ಇದಾಗಿದೆ. ಸ್ಥಳೀಯವಾಗಿ ತಯಾರಾಗುವ ಐಫೋನ್‌ ಎಕ್ಸ್‌ಆರ್‌ ಅನ್ನು ದೇಶಿ ಮಾರುಕಟ್ಟೆಗೆ ಪೂರೈಸಲಾಗುವುದು. ವಿದೇಶಗಳಿಗೆ ರಫ್ತು ಮಾಡಲಾಗುವುದು’ ಎಂದು ಮಾಹಿತಿ ತಂತ್ರಜ್ಞಾನ ಸಚಿವ ರವಿ ಶಂಕರ್ ಪ್ರಸಾದ್‌ ಹೇಳಿದ್ದಾರೆ.