ಬೆಳೆಯಲಿದೆ ಸಾಲ ಮಾರುಕಟ್ಟೆ

ಬೆಂಗಳೂರು: ಭಾರತದ ಗ್ರಾಹಕ ಸಾಲ ಮಾರುಕಟ್ಟೆಯು ವಿಶ್ವದ ಇತರ ಪ್ರಮುಖ ಅರ್ಥ ವ್ಯವಸ್ಥೆಗಳಲ್ಲಿನ ಬೆಳವಣಿಗೆಗಿಂತ ಹೆಚ್ಚಿನ ವೇಗದ ಬೆಳವಣಿಗೆ ದಾಖಲಿಸುವ ಅಂದಾಜು ಇದೆ ಎಂದು ‘ಎಕ್ಸ್‌ಪೀರಿಯನ್–ಇನ್ವೆಸ್ಟ್ ಇಂಡಿಯಾ’ ವರದಿ ಹೇಳಿದೆ.

ಬ್ಯಾಂಕೇತರ ಹಣಕಾಸು ಸಂಸ್ಥೆಗಳು (ಎನ್‌ಬಿಎಫ್‌ಸಿ) ಹಾಗೂ ಹಣಕಾಸು ತಂತ್ರಜ್ಞಾನ ಕ್ಷೇತ್ರದ ಕಂಪನಿಗಳು ಸಾಲದ ಮಾರುಕಟ್ಟೆಯಲ್ಲಿ ತಂದಿರುವ ಬದಲಾವಣೆ ಬಗೆಯನ್ನೂ ಈ ವರದಿಯು ವಿವರಿಸಿದೆ. ಇದುವರೆಗೆ ಬ್ಯಾಂಕಿಂಗ್ ಸೇವೆಗಳು ಸರಿಯಾಗಿ ಲಭ್ಯವಿಲ್ಲದಿದ್ದವರಿಗೆ ಈ ಸಂಸ್ಥೆಗಳು, ಕಂಪನಿಗಳು ಸೇವೆ ಒದಗಿಸಿವೆ ಎಂದು ಹೇಳಿದೆ. ವೈಯಕ್ತಿಕ ಸಾಲಗಳ ಮರುಪಾವತಿ ಪ್ರಮಾಣ ಹೆಚ್ಚಿನ ಮಟ್ಟದಲ್ಲಿಯೇ ಇದೆ ಎಂದೂ ವರದಿಯು ಹೇಳಿದೆ.