ಇಎಸ್‌ಐಸಿ: ಹೊಸದಾಗಿ 17 ಲಕ್ಷ ಸದಸ್ಯರ ನೋಂದಣಿ

ನವದೆಹಲಿ: ಕಾರ್ಮಿಕರ ರಾಜ್ಯ ವಿಮಾ ನಿಗಮದಡಿ (ಇಎಸ್‌ಐಸಿ) ಡಿಸೆಂಬರ್‌ ತಿಂಗಳಿನಲ್ಲಿ 17.01 ಲಕ್ಷ ಸದಸ್ಯರು ಹೊಸದಾಗಿ ನೋಂದಣಿಯಾಗಿದ್ದಾರೆ.

ಇಎಸ್‌ಐ ಯೋಜನೆಯಡಿ 20,360 ಕಂಪನಿಗಳು ನೋಂದಣಿಯಾಗಿವೆ. ಇದರಿಂದ ಸಾಮಾಜಿಕ ಭದ್ರತಾ ಯೋಜನೆಯಡಿ ಹೆಚ್ಚಿನ ಸಂಖ್ಯೆಯ ಕಾರ್ಮಿಕರು ಸೇರ್ಪಡೆಯಾಗಲು ನೆರವಾಗಿದೆ ಎಂದು ಕೇಂದ್ರ ಕಾರ್ಮಿಕ ಸಚಿವಾಲಯ ಶುಕ್ರವಾರ ತಿಳಿಸಿದೆ.

3.46 ಲಕ್ಷ ಮಹಿಳೆಯರು ಸದಸ್ಯತ್ವ ಪಡೆದಿದ್ದಾರೆ. ಹೊಸದಾಗಿ ನೋಂದಾಯಿತ ಒಟ್ಟು ಸದಸ್ಯರ ಪೈಕಿ 25 ವರ್ಷದ ಸದಸ್ಯರ ಸಂಖ್ಯೆ ಶೇ 48.35ರಷ್ಟಿದೆ ಎಂದು ವಿವರಿಸಿದೆ.