ಫ್ಲಿಪ್‌ಕಾರ್ಟ್: ಕನ್ನಡದಲ್ಲಿಯೂ ವ್ಯವಹಾರ

ಬೆಂಗಳೂರು: ಇ-ಕಾಮರ್ಸ್‌ನ ಫ್ಲಿಪ್‌ಕಾರ್ಟ್ ಅಂತರ್ಜಾಲ ತಾಣದಲ್ಲಿ ಈಗ ಕನ್ನಡ ಭಾಷೆ ಬಳಕೆಗೆ ತರಲಾಗಿದೆ.

ಪ್ರಾದೇಶಿಕ ಭಾಷೆಯ ಗ್ರಾಹಕರಿಗೆ ಇ–ಕಾಮರ್ಸ್‌ ವಹಿವಾಟು ನಡೆಸಲು ಇದ್ದ ಅಡೆತಡೆ ಈಗ ನಿವಾರಣೆಯಾಗಿದೆ. ತೆಲುಗು ಮತ್ತು ತಮಿಳು ಭಾಷೆಗಳನ್ನೂ ಬಳಕೆಗೆ ತರಲಾಗಿದೆ.

ದಕ್ಷಿಣದ ರಾಜ್ಯಗಳು ಫ್ಲಿಪ್‌ಕಾರ್ಟ್‌ನ ಪ್ರಮುಖ ಮಾರುಕಟ್ಟೆಯಾಗಿವೆ. ಪ್ರಾದೇಶಿಕ ಭಾಷೆಯ ಅಳವಡಿಕೆಯಿಂದ ಹೆಚ್ಚೆಚ್ಚು ಗ್ರಾಹಕರನ್ನು ಸೆಳೆಯಲು ಸಾಧ್ಯವಾಗಲಿದೆ ಎಂದು ಕಂಪನಿ ತಿಳಿಸಿದೆ.