ಜಿಎಸ್‌ಟಿಎನ್‌ ಸಹಾಯವಾಣಿ: 56 ಸಾವಿರ ತೆರಿಗೆದಾರರಿಗೆ ನೆರವು

ನವದೆಹಲಿ: ಲಾಕ್‌ಡೌನ್‌ ಜಾರಿಗೊಳಿಸಿದ ಒಂದು ತಿಂಗಳಿನಲ್ಲಿ 56 ಸಾವಿರ ತೆರಿಗೆ ಪಾವತಿದಾರರ ಸಮಸ್ಯೆಗಳಿಗೆ ಸ್ಪಂದಿಸಲಾಗಿದೆ ಎಂದು ಜಿಎಸ್‌ಟಿಎನ್‌ ಸಹಾಯವಾಣಿ ತಿಳಿಸಿದೆ.

ಲಾಕ್‌ಡೌನ್‌ ಸಂದರ್ಭದಲ್ಲಿ ಸಹಾಯವಾಣಿಗೆ ಬರುವ ಕರೆಗಳು ಮತ್ತು ಪ್ರಶ್ನೆಗಳ ಸಂಖ್ಯೆಯಲ್ಲಿ ಭಾರಿ ಇಳಿಕೆ ಕಂಡುಬಂದಿದೆ. ಇದಕ್ಕೂ ಮೊದಲು ಬರುತ್ತಿದ್ದ ಕರೆಗಳು ಮತ್ತು ಪ್ರಶ್ನೆಗಳಿಗೆ ಹೋಲಿಸಿದರೆ ಲಾಕ್‌ಡೌನ್‌ ಅವಧಿಯಲ್ಲಿನ ಪ್ರಮಾಣ ಕೇವಲ ಶೇ 20ರಷ್ಟಿದೆ ಎಂದು ತಿಳಿಸಿದೆ.

ಲಾಕ್‌ಡೌನ್‌ಗೂ ಮೊದಲು ಸಹಾಯವಾಣಿಗೆ ಪ್ರತಿದಿನವೂ ಸರಾಸರಿ 8 ಸಾವಿರದಿಂದ 10 ಸಾವಿರ ಕರೆಗಳು ಬರುತ್ತಿದ್ದವು ಎಂದು ಮಾಹಿತಿ ನೀಡಿದೆ.