ನೆರವು ನೀಡಲು ಸಚಿವೆಗೆ ಮನವಿ

ಬೆಂಗಳೂರು: ‘ಕೊವಿಡ್‌–19’ ಪಿಡುಗಿನಿಂದಾಗಿ ತೀವ್ರ ಬಿಕ್ಕಟ್ಟು ಎದುರಿಸುತ್ತಿರುವ ಒಳ ಉಡುಪು ತಯಾರಿಸುವ ಸಣ್ಣ ಉದ್ದಿಮೆಗಳ (ಎಂಎಸ್‌ಎಂಇ) ನೆರವಿಗೆ ಬರಬೇಕು ಎಂದು ಕರ್ನಾಟಕ ಇನ್ನರ್‌ವೇರ್‌ ಅಸೋಸಿಯೇಷನ್‌, ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರಿಗೆ ಮನವಿ ಮಾಡಿಕೊಂಡಿದೆ.

ಕಡಿಮೆ ಬಡ್ಡಿ ದರಕ್ಕೆ ಹೆಚ್ಚುವರಿ ಸಾಲ, 6 ತಿಂಗಳವರೆಗೆ ಬ್ಯಾಂಕ್‌ ಬಡ್ಡಿ ಪಾವತಿ, ಸಿಬ್ಬಂದಿಯ ಪಿಎಫ್‌, ಇಎಸ್‌ಐ ವಂತಿಗೆ ಪಾವತಿ ಮತ್ತು ವಿದ್ಯುತ್‌ ಬಿಲ್‌ ಪಾವತಿಗೆ ವಿನಾಯ್ತಿ ನೀಡಬೇಕು. ಬಾಡಿಗೆ ದರದಲ್ಲಿ ಶೇ 50ರಷ್ಟು ಕಡಿತ, ವೇತನ ಸಬ್ಸಿಡಿ ಮತ್ತಿತರ ಬೇಡಿಕೆ ಈಡೇರಿಸಬೇಕು ಎಂದು ಸಂಘವು ಪತ್ರ ಬರೆದು ಒತ್ತಾಯಿಸಿದೆ.