ಟಿವಿಎಸ್‌ ಗ್ರೀನ್‍ರೈಡ್ ಅಭಿಯಾನ ಮುಕ್ತಾಯ

ಬೆಂಗಳೂರು: ನಟ ಮಿಲಿಂದ್ ಸೋಮನ್ ಅವರ ಸಹಯೋಗದಡಿ ಹಮ್ಮಿಕೊಂಡಿದ್ದ ಟಿವಿಎಸ್‌ ಮೋಟಾರ್‌ ಕಂಪನಿಯ ಚೊಚ್ಚಲ ಎಲೆಕ್ಟ್ರಿಕ್ ಸ್ಕೂಟರ್‌ ಆದ ಟಿವಿಎಸ್ ಐಕ್ಯೂಬ್‌ನ ಗ್ರೀನ್‍ರೈಡ್ ಅಭಿಯಾನವು ಸೋಮವಾರ ನಗರದಲ್ಲಿ ಮುಕ್ತಾಯವಾಯಿತು.‌

ಪುಣೆಯಲ್ಲಿ ವಾರದ ಹಿಂದೆ ಈ ಅಭಿಯಾನ ಆರಂಭವಾಗಿತ್ತು. ಪರಿಸರ ಸ್ನೇಹಿ ಆಶಯದಡಿ ಸುಸ್ಥಿರ ಸಾರಿಗೆ ವಿಧಾನ ಕುರಿತು ಜಾಗೃತಿ ಮೂಡಿಸುವುದು ಈ ಅಭಿಯಾನದ ಗುರಿಯಾಗಿದೆ. 

ಟಿವಿಎಸ್ ಐಕ್ಯೂಬ್‍ನಲ್ಲಿ ಪ್ರಯಾಣ ಆರಂಭಿಸಿದ ಮಿಲಿಂದ್ ಅವರು, ಒಟ್ಟು 200 ಕಿ.ಮೀ. ದೂರವನ್ನು ಕ್ರಮಿಸಿದ್ದಾರೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ.