ಮುತ್ತೂಟ್‌ನಿಂದ ‘ಮಿಲಿಗ್ರಾಂ ಚಿನ್ನ ಕೊಡುಗೆ’ ಕಾರ್ಯಕ್ರಮ

ಬೆಂಗಳೂರು: ಮುತ್ತೂಟ್‌ ಫೈನಾನ್ಸ್‌, ತನ್ನ ಗ್ರಾಹಕರಿಗೆ ‘ಮಿಲಿಗ್ರಾಂ ಕೊಡುಗೆ ಕಾರ್ಯಕ್ರಮ’ ಆರಂಭಿಸಿದೆ. ಮುತ್ತೂಟ್‌ ಸಮೂಹದೊಂದಿಗೆ ವ್ಯವಹರಿಸುವ ಗ್ರಾಹಕರಿಗೆ ಕನಿಷ್ಠ ಒಂದು ಮಿಲಿಗ್ರಾಂ ಚಿನ್ನವನ್ನು ಬಹುಮಾನವಾಗಿ ನೀಡಲಾಗುತ್ತದೆ. ಎರಡು ವರ್ಷಗಳ ಅವಧಿಯ ಈ ಕಾರ್ಯಕ್ರಮವು ಗ್ರಾಹಕರ ನಡುವೆ ಬಾಂಧವ್ಯ ಬಲಪಡಿಸುವ ಮತ್ತು ಗ್ರಾಹಕರನ್ನು ಸೆಳೆಯುವ ಗುರಿ ಹೊಂದಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಇದು 2022ರ ಏಪ್ರಿಲ್‌ 1ರಿಂದ ಎಲ್ಲ ವ್ಯವಹಾರಗಳಿಗೆ ಅನ್ವಯವಾಗುತ್ತದೆ.ಬೇರೆ ಗ್ರಾಹಕರನ್ನು ಪರಿಚಯಿಸುವ ವ್ಯವಹಾರದ (ರೆಫರಲ್‌) ಪ್ರತಿ ಗ್ರಾಹಕರು 20 ಮಿಲಿಗ್ರಾಂ ಚಿನ್ನ ಪಡೆಯಲಿದ್ದಾರೆ. ಈ ಕಾರ್ಯಕ್ರಮದ ಮೂಲಕ ಪ್ರತಿ ವರ್ಷ ₹ 50 ಕೋಟಿ ಮೌಲ್ಯದ ಚಿನ್ನವನ್ನು ಕೊಡುವೆ ನಿರೀಕ್ಷೆ ಇದೆ ಎಂದು ಹೇಳಿದೆ.

ದೇಶದಲ್ಲಿ ಇದೇ ಮೊದಲ ಬಾರಿಗೆ 24 ಕ್ಯಾರಟ್‌ ಬಂಗಾರ ನೀಡುವ ವಿಶಿಷ್ಟ ಉಪಕ್ರಮವನ್ನೂ ಆರಂಭ ಮಾಡಿರುವುದಾಗಿ ತಿಳಿಸಿದೆ. ಹೆಚ್ಚಿನ ಮಾಹಿತಿಗಾಗಿ ಕಂಪನಿಯ ವೆಬ್‌ಸೈಟ್‌ಗೆ ಭೇಟಿ ನೀಡಲು ತಿಳಿಸಿದೆ.