ಒಟಿಒ ಕ್ಯಾಪಿಟಲ್‌ ಪಾಲುದಾರಿಕೆ ಹೆಚ್ಚಳ

ಬೆಂಗಳೂರು: ವಾಹನಗಳ ಬಾಡಿಗೆ ನೀಡುವ ವಹಿವಾಟಿನ ನವೋದ್ಯಮವಾಗಿರುವ ಒಟಿಒ ಕ್ಯಾಪಿಟಲ್‌ ಜತೆಗೆ ಡೀಲರ್‌ಗಳ ಪಾಲುದಾರಿಕೆಯು ಏರಿಕೆ ದಾಖಲಿಸುತ್ತಿದೆ.

ಕೋವಿಡ್‌ ಪಿಡುಗು ಸೃಷ್ಟಿಸಿರುವ ಆರ್ಥಿಕ ಸಂಕಷ್ಟದ ಪರಿಸ್ಥಿತಿಯಿಂದಾಗಿ ಗ್ರಾಹಕರು ಹೊಸ ವಾಹನ ಖರೀದಿಸಲು ಸಾಲ ಪಡೆಯುವ ಬದಲಿಗೆ ವಾಹನಗಳನ್ನು ಬಾಡಿಗೆಗೆ ಪಡೆಯುವುದೂ ಸೇರಿದಂತೆ ಪರ್ಯಾಯ ವಿಧಾನಗಳಿಗೆ ಹೆಚ್ಚು ಒಲವು ತೋರುತ್ತಿದ್ದಾರೆ. ಬೈಕ್‌ ಮತ್ತು ಸ್ಕೂಟರ್‌ಗಳ ಬಾಡಿಗೆಗೆ ಬೆಂಗಳೂರಿನಲ್ಲಿ ಬೇಡಿಕೆ ಹೆಚ್ಚುತ್ತಿದೆ. ವಾಹನ ಮಾಲೀಕತ್ವದ ತಿಂಗಳ ಕಂತು ಯೋಜನೆಯಡಿ (ಒಎಂಐ) ಬೈಕ್‌ ಡೀಲರ್‌ಶಿಪ್‌ಗಳಲ್ಲಿ ಬಾಡಿಗೆ ಪಡೆಯಬಹುದು ಎಂದು ಸ್ಟಾರ್ಟ್‌ಅಪ್‌ ತಿಳಿಸಿದೆ.