ವರ್ಷದ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾದ ಪೆಟ್ರೋಲ್ ದರ

ಬೆಂಗಳೂರು: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಇಳಿಮುಖವಾಗಿದೆ. ಹೀಗಾಗಿದೇಶದಾದ್ಯಂತ ಪೆಟ್ರೋಲ್‌ ದರ ಒಂದು ವರ್ಷದ ಕನಿಷ್ಠ ಮಟ್ಟಕ್ಕೆ ಇಳಿಕೆ ಕಂಡಿದೆ.

ಬೆಂಗಳೂರಿನಲ್ಲಿ2017ರ ಡಿಸೆಂಬರ್‌ 25ರಂದು ಲೀಟರ್ ಪೆಟ್ರೋಲ್‌ ದರ ₹70.73 ಇತ್ತು. 2018ರ ಡಿಸೆಂಬರ್‌ 25ರಂದು (ಮಂಗಳವಾರ) ₹70.35ಕ್ಕೆ ಅಂದರೆ 38 ಪೈಸೆ ಇಳಿಕೆಯಾಗಿದೆ.ಅಕ್ಟೋಬರ್‌ 1 ರಂದು ಒಂದು ಲೀಟರ್‌ ಪೆಟ್ರೋಲ್‌ ದರ ₹ 84.40 ಇತ್ತು. ಇದಕ್ಕೆ ಹೋಲಿಸಿದರೂ ಒಂದು ಲೀಟರಿಗೆ ₹ 14.05 ಇಳಿಕೆಯಾಗಿದೆ.

ಅಕ್ಟೋಬರ್‌ನಲ್ಲಿ ₹ 70ಕ್ಕೆ ತಲುಪಿದ್ದ ಒಂದು ಲೀಟರ್‌ ಡೀಸೆಲ್‌ ದರ ಮಂಗಳವಾರ ₹ 64.18ರಂತೆ ಮಾರಾಟವಾಯಿತು.

ಕಚ್ಚಾ ತೈಲ: ಅಂತರರಾಷ್ಟ್ರೀಯ ಮಾರುಕಟ್ಟೆಗೆ ಪೂರೈಕೆ ಹೆಚ್ಚಾಗುತ್ತಿರುವುದರಿಂದ ಕಚ್ಚಾ ತೈಲ ದರ ನಿರಂತರವಾಗಿ ಇಳಿಕೆ ಕಾಣುತ್ತಿದೆ. ಅಕ್ಟೋಬರ್‌ನಲ್ಲಿ ಕಚ್ಚಾ ತೈಲ ದರ ಒಂದು ಬ್ಯಾರೆಲ್‌ಗೆ ₹ 86.10 ಡಾಲರ್‌ಗಳ ಗರಿಷ್ಠ ಮಟ್ಟಕ್ಕೆ ಏರಿಕೆಯಾಗಿತ್ತು. ಆ ಬಳಿಕ ನಿಧಾನಗತಿಯಲ್ಲಿ ಇಳಿಕೆ ಕಾಣಲಾರಂಭಿಸಿದೆ.

ಬ್ರೆಂಟ್‌ ಕಚ್ಚಾ ತೈಲ ದರ ಅಕ್ಟೋಬರ್‌–ಡಿಸೆಂಬರ್‌ ಅವಧಿಯಲ್ಲಿ ಶೇ 40ರಷ್ಟು ಇಳಿಕೆ ಕಂಡಿದೆ. ಮಂಗಳವಾರ ಒಂದು ಬ್ಯಾರೆಲ್‌ಗೆ 50.47 ಡಾಲರ್‌ನಂತೆ ಮಾರಾಟವಾಗಿದೆ. ಇದು 2017ರ ನಂತರ ಅತ್ಯಂತ ಕನಿಷ್ಠ ಮಟ್ಟವಾಗಿದೆ.