IPO: ಅ. 3ರಿಂದ ವಿ–ವರ್ಕ್ ಐಪಿಒ

ನವದೆಹಲಿ: ಸಾರ್ವಜನಿಕರಿಗೆ ಷೇರು ಮಾರಾಟ ಮಾಡುವ (ಐಪಿಒ) ಮೂಲಕ ₹3 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸಲಾಗುವುದು ಎಂದು ವಿ–ವರ್ಕ್ ಇಂಡಿಯಾ ಸೋಮವಾರ ತಿಳಿಸಿದೆ.

ಪ್ರತಿ ಷೇರಿನ ಬೆಲೆ ₹615ರಿಂದ ₹648ರವರೆಗೆ ಇರಲಿದೆ. ಷೇರುಗಳಿಗೆ ಬಿಡ್‌ ಸಲ್ಲಿಸಲು ಅಕ್ಟೋಬರ್‌ 3ರಿಂದ 7ರವರೆಗೆ ಅವಕಾಶ ಇರಲಿದೆ. ಆರಂಭಿಕ ಹೂಡಿಕೆದಾರರು (ಆ್ಯಂಕರ್ ಇನ್‌ವೆಸ್ಟರ್ಸ್‌) ಅಕ್ಟೋಬರ್‌ 1ರಂದು ಐಪಿಒಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಆಫರ್‌ ಫಾರ್‌ ಸೇಲ್‌ ಮೂಲಕ 4.63 ಕೋಟಿ ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಲಾಗುತ್ತಿದೆ.

ವಿ–ವರ್ಕ್‌ನಲ್ಲಿ ಪ್ರಸ್ತುತ ಎಂಬಸ್ಸಿ ಸಮೂಹವು ಶೇ 76.21ರಷ್ಟು ಷೇರು ಹೊಂದಿದೆ. ವಿ–ವರ್ಕ್‌ ಗ್ಲೋಬಲ್‌ ಶೇ 23.45ರಷ್ಟು ಹೊಂದಿದೆ.