ಸಾಚಾರ್‌ವರದಿ ತಿರಸ್ಕರಿಸಿ

ಬೆಳಗಾವಿ/ ಹುಬ್ಬಳ್ಳಿ:  `ರಾಜಿಂದರ್ ಸಾಚಾರ್ ಸಮಿತಿ ಹಾಗೂ ರಂಗನಾಥ ಮಿಶ್ರ ಆಯೋಗ ನೀಡಿರುವ ವರದಿ ಸುಳ್ಳಿನಿಂದ ಕೂಡಿದ್ದು, ಅವನ್ನು ತಿರಸ್ಕರಿಸಬೇಕು~ ಎಂದು ವಿಶ್ವ ಹಿಂದೂ ಪರಿಷತ್‌ನ ಅಂತರರಾಷ್ಟ್ರೀಯ ಕಾರ್ಯಾಧ್ಯಕ್ಷ ಪ್ರವೀಣ ತೊಗಾಡಿಯಾ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದರು.

`ಮುಸ್ಲಿಮರು ಹಾಗೂ ಕ್ರಿಶ್ಚಿಯನ್‌ರು ಹಿಂದೂಗಳಿಗಿಂತ ಆರ್ಥಿಕವಾಗಿ ಹಿಂದುಳಿದಿದ್ದಾರೆ ಎಂದು ತಿಳಿಸಲಾಗಿದೆ. ಆದರೆ ವರ್ಲ್ಡ್ ಎಕಾನಾಮಿ ಆಫ್ ಸರ್ವೆ ಪ್ರಕಾರ ಮುಸ್ಲಿಮರ ಮಾಸಿಕ ವರಮಾನ ತಲಾ 42 ಸಾವಿರ ರೂಪಾಯಿಗಳಿದ್ದರೆ, ಹಿಂದೂಗಳ ಮಾಸಿಕ ವರಮಾನ ತಲಾ 24 ಸಾವಿರ ರೂಪಾಯಿ~ ಎಂದರು.

`ಹಿಂದುಳಿದ ವರ್ಗಗಳ ಮೀಸಲಾತಿಯನ್ನು ಕಿತ್ತು ಮುಸ್ಲಿಮರಿಗೆ ನೀಡಲಾಗುತ್ತಿದೆ~ ಎಂದು ಅವರು ಮಂಗಳವಾರ ಬೆಳಗಾವಿ ಮತ್ತು ಹುಬ್ಬಳ್ಳಿಯಲ್ಲಿ ಏರ್ಪಡಿಸಿದ್ದ ಪ್ರತ್ಯೇಕ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.