ಅತ್ಯಾಚಾರ, ಜಾತಿನಿಂದನೆ ಪ್ರಕರಣ ದಾಖಲು

ಕುರುಗೋಡು: ತಾಲ್ಲೂಕಿನ ಗ್ರಾಮವೊಂದರ ಯುವತಿಯೊಬ್ಬಳನ್ನು ಮದುವೆಯಾಗುವುದಾಗಿ ನಂಬಿಸಿ ಅತ್ಯಾಚಾರ ಮಾಡಿದ ಘಟನೆ ತಡವಾಗಿ ತಿಳಿದಿದೆ.

ಪೊಲೀಸ್ ಠಾಣೆಗೆ ಜೂನ್ 30ರಂದು ಹಾಜರಾದ ಯುವತಿಯು, ಕೆ.ದೇವಣ್ಣ (38) ಎನ್ನುವವರ ವಿರುದ್ಧ ಅತ್ಯಾಚಾರ ಪ್ರಕರಣ ಮತ್ತು ಆತನ ಸ್ನೇಹಿತ ಶರಣಪ್ಪ (36) ಎಂಬುವವರ ವಿರುದ್ಧ ಜಾತಿನಿಂದನೆ ಪ್ರಕರಣ ದಾಖಲಿಸುವಂತೆ ದೂರು ನೀಡಿದ್ದಾರೆ.

ಯುವತಿಗೆ ಮತ್ತೊಬ್ಬ ಯುವಕನೊಂದಿಗೆ ನಿಗದಿಯಾಗಿದ್ದ ವಿವಾಹವನ್ನು ಈ ವ್ಯಕ್ತಿಗಳು ಮುರಿದಿದ್ದು, ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.