ಬಳ್ಳಾರಿ | ಬೂದಿದಿಬ್ಬ: ಉತ್ಖನನಕ್ಕೆ ನಾಲ್ಕು ಜಾಗ ಗುರುತು

ತೆಕ್ಕಲಕೋಟೆ (ಬಳ್ಳಾರಿ): ‘ಬೂದಿದಿಬ್ಬದ ಪ್ರಾಗೈತಿಹಾಸಿಕ ತಾಣಗಳಲ್ಲಿ ಉತ್ಪನನ ನಡೆಸಲು ಸ್ಥಳ ಪರಿಶೀಲಿಸಿ ನಾಲ್ಕು ಸ್ಥಳ ಗುರುತಿಸಲಾಗಿದೆ’ ಎಂದು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯ ವಿಜಯನಗರ, ಬಳ್ಳಾರಿ ಜಿಲ್ಲಾ ಪುರಾತತ್ವ ಸರ್ವೇಕ್ಷಣಾಧಿಕಾರಿ ಡಾ.ಶ್ರೀಜೇಶ್ವರ ತಿಳಿಸಿದ್ದಾರೆ. 

‘ಅಮೆರಿಕದಲ್ಲಿ ಪ್ರಾಧ್ಯಾಪಕಿಯಾಗಿರುವ ನಮಿತಾ ಎಸ್. ಸುಗಂಧಿ ಎಂಬುವರು ಉತ್ಪನನಕ್ಕೆ ಮನವಿ ಸಲ್ಲಿಸಿದ್ದು, ಬೂದಿದಿಬ್ಬ ಸಮೀಪದ ಹಿರೇಅರಲ, ಗೌಡರ ಮೂಲೆ ಸುತ್ಲ ನಾಲ್ಕು ಜಾಗಗಳನ್ನು ಪರಿಶೀಲಿಸಲಾಗಿದೆ. ಅನುಮತಿಗೆ ಕ್ರಮ ಕೈಗೊಳ್ಳಲಾಗುವುದು’ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಬೂದಿದಿಬ್ಬದ ಹಾಗೂ ಸುತ್ತಲಿನ ಮಹತ್ವದ ಅವಶೇಷಗಳ ರಕ್ಷಣೆಗೆ ಕ್ರಮ ಕೈಗೊಳ್ಳಲಾಗುವುದು. ಅಲ್ಲದೆ ಉಡೆಗೋಳ ಹಾಗೂ ನಿಟ್ಟೂರು ಶಾಸನಗಳ ರಕ್ಷಣೆಗೆ ಸ್ಥಳೀಯರೂ ಸಹಕರಿಸಬೇಕು' ಎಂದು ಹೇಳಿದರು.