ಕೂಡ್ಲಿಗಿ: ವಿಷ್ಣುವರ್ಧನ್ ಸಮಾಧಿ ಪುನರ್ ನಿರ್ಮಾಣಕ್ಕೆ ಆಗ್ರಹಿಸಿ ಪ್ರತಿಭಟನೆ

ಕೂಡ್ಲಿಗಿ: ಅಭಿಮಾನ್ ಸ್ಟುಡಿಯೊದಲ್ಲಿದ್ದ ನಟ ವಿಷ್ಣುವರ್ಧನ್ ಅವರ ಸಮಾಧಿಯನ್ನು ತೆರವು ಮಾಡಿದ್ದನ್ನು ವಿರೋಧಿಸಿ ಪಟ್ಟಣದಲ್ಲಿ ಗುರುವಾರ ಪ್ರತಿಭಟನೆ ನಡೆಸಿದ ವಿಷ್ಣುವರ್ಧನ್ ಅಭಿಮಾನಿಗಳು, ಸ್ಮಾರಕವನ್ನು ಪುನರ್ ನಿರ್ಮಾಣ ಮಾಡಬೇಕು ಎಂದು ಒತ್ತಾಯಿಸಿದರು.

ಗಾಂಧಿ ಚಿತಾಭಸ್ಮವಿರುವ ಹುತಾತ್ಮರ ಸ್ಮಾರಕದಿಂದ ಮೆರವಣಿಗೆ ಹೊರಟ ಅಭಿಮಾನಿಗಳು, ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ವಿಷ್ಣುವರ್ಧನ್ ಪರ ಘೋಷಣೆಗಳನ್ನು ಕುಗುತ್ತ ತಹಶೀಲ್ದಾರ್ ಕಚೇರಿ ಆವರಣಕ್ಕೆ ಬಂದು ಕೆಲ ಕಾಲ ಪ್ರತಿಭಟನೆ ನಡೆಸಿದರು. ನಂತರ ತಹಶೀಲ್ದಾರ್ ವಿ.ಕೆ. ನೇತ್ರಾವತಿ ಅವರಿಗೆ ಮನವಿ ಸಲ್ಲಿಸಿದರು.

ವಿಷ್ಣು ಸೇನಾ ಸಮಿತಿ ತಾಲ್ಲೂಕು ಅಧ್ಯಕ್ಷ ಎಂ. ಕರೇಗೌಡ, ಸದಸ್ಯರಾದ ನೀರ್ಕಲ್ ಅಜೇಯ್, ಸುಧಾಕರ, ಜಿ. ನಾಗರಾಜ, ರವಿ ನಿಂಬಳಗೆರೆ, ಮಲಿಯಪ್ಪ, ಮಹಾಂತೇಶ, ಮಲ್ಲೇಶ, ಲೋಕೇಶ್, ಸಾದಿಕ್, ರಹಿಮಾನ್, ನಾಗೇಶ್, ರಾಜ್, ತಿಪ್ಪೇಶ, ಮಧುಕುಮಾರಿ ಇದ್ದರು.