ಕಂಪ್ಲಿ: ಬೆಳ್ಳಿ, ಬಂಗಾರ ಕಳ್ಳತನ

ಕಂಪ್ಲಿ: ಪಟ್ಟಣದ 2ನೇ ವಾರ್ಡ್ ಆದೋನಿ ಮಸೀದಿ ಬಳಿ ಬುಧವಾರ ರಾತ್ರಿ ಜಿ. ಇಷಾಕ್ ಅವರ ಮನೆ ಬಾಗಿಲ ಚಿಲಕದ ಕೊಕ್ಕೆ (ಬಕ್ಕಲ್) ಮುರಿದ ಕಳ್ಳರು ಮನೆಯಲ್ಲಿದ್ದ ಎರಡೂವರೆ ತೊಲ ಬಂಗಾರ, 30ತೊಲ ಬೆಳ್ಳಿ ಕಳ್ಳತನ ಮಾಡಿದ್ದಾರೆ.

ಮನೆಯವರು ಚಿಕಿತ್ಸೆಗೆಂದು ಬೆಂಗಳೂರಿಗೆ ತೆರಳಿದಾಗ ಈ ಘಟನೆ ನಡೆದಿದೆ. ಈ ಕುರಿತು ಇಲ್ಲಿಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನಾ ಸ್ಥಳಕ್ಕೆ ಶ್ವಾನದಳ, ಬೆರಳಚ್ಚು ತಜ್ಞರು ಭೇಟಿ ನೀಡಿ ಪರಿಶೀಲಿಸಿದರು.