ಹರಪನಹಳ್ಳಿ | '25 ಕೆ.ಜಿ. ನಿಷೇಧಿತ ಪ್ಲಾಸ್ಟಿಕ್ ವಶ'

ಹರಪನಹಳ್ಳಿ: ಪಟ್ಟಣದ ವಿವಿಧ ಅಂಗಡಿಗಳ ಮೇಲೆ ಶನಿವಾರ ದಾಳಿ ನಡೆಸಿದ ಪುರಸಭೆ ಅಧಿಕಾರಿಗಳು 25 ಕೆ.ಜಿ. ನಿಷೇಧಿತ ಪ್ಲಾಸ್ಟಿಕ್ ಜಪ್ತಿ ಮಾಡಿ, ₹4,000 ದಂಡ ವಿಧಿಸಿದ್ದಾರೆ.

ಬಸ್ ನಿಲ್ದಾಣ, ಪುರಸಭೆಯ ಮಳಿಗೆಗಳು, ತೆಗ್ಗಿನಮಠ ರಸ್ತೆ, ಸಂತೆ ಮೈದಾನ ರಸ್ತೆ, ಆಂಜನೇಯ ಬಡಾವಣೆ, ಹಳೇ ಬಸ್ ನಿಲ್ದಾಣ ಸೇರಿದಂತೆ ವಿವಿಧೆಡೆ ದಾಳಿ ನಡೆಸಲಾಯಿತು.

ಪುರಸಭೆ ಪರಿಸರ ಎಂಜಿನಿಯರ್ ಅಮರೇಶ್, ಹಿರಿಯ ಆರೋಗ್ಯ ನಿರೀಕ್ಷಕ ಮಂಜುನಾಥ್, ನೈರ್ಮಲ್ಯ ಮೇಲ್ವಿಚಾರಕ ಉಚ್ಚಂಗೆಪ್ಪ, ಶಾಮರಾಜ್ ಇದ್ದರು.