ಹರಪನಹಳ್ಳಿ: 10 ಬಣವೆ ಮೆಕ್ಕೆಜೋಳ ಮೇವು ಭಸ್ಮ

ಹರಪನಹಳ್ಳಿ: ತಾಲ್ಲೂಕಿನ ಅನಂತನಹಳ್ಳಿ ಮೆಳ್ಳೆಕಟ್ಟೆಯಲ್ಲಿನ ಜಮೀನಿನಲ್ಲಿ ಆಕಸ್ಮಿಕ ಬೆಂಕಿ ತಗುಲಿದ ಪರಿಣಾಮ ಮೆಕ್ಕೆಜೋಳ ಮೇವಿನ 10 ಬಣವೆಗಳು ಭಾನುವಾರ ಸುಟ್ಟು ಬೂದಿಯಾಗಿವೆ.

ಟಿ.ಎಂ. ರಾಜಶೇಖರ ಅವರಿಗೆ ಸೇರಿದ ಜಮೀನಿನಲ್ಲಿ ಕಟಾವು ಮಾಡಿದ್ದ ಮೆಕ್ಕೆಜೋಳದ ಸೊಪ್ಪೆ ಸಂಗ್ರಹಿಸಿ, ಜಾನುವಾರುಗಳಿಗಾಗಿ ಮೇವಿನ ಬಣವೆ ಹಾಕಿಕೊಂಡಿದ್ದರು. ಬೇರೆ ಹೊಲದಲ್ಲಿ ಕಸ ಸುಡುವ ಸಲುವಾಗಿ ಹಚಿದ್ದ ಬೆಂಕಿ ವ್ಯಾಪಿಸಿ, ಬಣವೆಗೆ ಹೊತ್ತಿ ಉರಿದಿದೆ.

ಅಗ್ನಿಶಾಮಕ ದಳದವರು ಬರುವ ವೇಳೆಗೆ ಬಣವೆಗಳು ಸಂಪೂರ್ಣ ಸುಟ್ಟಿದ್ದವು.