ಸಂಡೂರು | ಮಳೆ: ಮನೆ ಗೋಡೆ ಕುಸಿತ

ಸಂಡೂರು: ಪಟ್ಟಣ ಸೇರಿದಂತೆ ತಾಲ್ಲೂಕಿನ ವಿವಿಧ ಗ್ರಾಮಗಳಲ್ಲಿ ಮೂರು ದಿನಗಳಿಂದ ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಭಾನುವಾರ ಸುರಿದ ಮಳೆಗೆ ತಾರಾನಗರ ಗ್ರಾಮದ ಹರಿಜನ ಭೀಮಪ್ಪ ಅವರ ಮನೆಯ ಗೋಡೆ ಕುಸಿದುಬಿದ್ದಿದೆ.

ತಾರಾನಗರ ಸೇರಿದಂತೆ ನಾಗಲಾಪುರ, ಬನ್ನಿಹಟ್ಟಿ, ಎಸ್. ಗಂಗಾಲಾಪುರ, ತಾಳೂರು, ಜೋಗಾ, ವಡ್ಡು, ಲಿಂಗದಹಳ್ಳಿಯಲ್ಲೂ ಉತ್ತಮ ಮಳೆ ಸುರಿದಿದೆ.

ನಿರಂತರ ಮಳೆಯಿಂದ ಮೆಕ್ಕೆಜೋಳ, ಹತ್ತಿ, ತೊಗರಿ, ಜೋಳ ಸೇರಿದಂತೆ ಇತರೆ ಬೆಳೆಗಳಿಗೆ ಅನುಕೂಲವಾಗಿದೆ. ಜಿನುಗು ಕೆರೆ, ಚೆಕ್‍ಡ್ಯಾಂಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ಸಂಗ್ರಹವಾಗಿದೆ. ಗುಡ್ಡ–ಬೆಟ್ಟಗಳು ಹಸಿರಿನಿಂದ ಕಂಗೊಳಿಸುತ್ತಿವೆ.