ಭರ್ತಿಯಾದ ನಾರಿಹಳ್ಳ ಜಲಾಶಯ

ಸಂಡೂರು: ತಾಲ್ಲೂಕಿನ ತಾರಾನ ಗರದ ಬಳಿಯಲ್ಲಿ ನಾರಿಹಳ್ಳಕ್ಕೆ ನಿರ್ಮಿಸ ಲಾಗಿರುವ ಜಲಾಶಯವು ಶುಕ್ರವಾರ ಭರ್ತಿಯಾಗಿದೆ.

ಜಲಾಶಯದ ಒಟ್ಟು ನೀರು ಸಂಗ್ರಹ ಸಾಮರ್ಥ್ಯ 0.81 ಟಿ.ಎಂ.ಸಿ ಅಡಿ. ‘ಜಲಾಶಯ ಭರ್ತಿಯಾದ ಕಾರಣ ಶುಕ್ರವಾರ ಜಲಾಶಯದ ಒಂದು ಗೇಟಿನ ಮೂಲಕ ನೀರನ್ನು ಹೊರಬಿಡಲಾಯಿತು. ಜಲಾಶಯದ ಒಳಹರಿವು ನೋಡಿಕೊಂಡು ನೀರು ಹರಿಸುವಿಕೆ ತೀರ್ಮಾನಿಸಲಾಗುವುದು’ ಎಂದು ನಾರಿಹಳ್ಳ ಜಲಾಶಯದ ಸಹಾಯಕ ಎಂಜಿನಿಯರ್ ಪಿ.ವಿ.ಕೃಷ್ಣ ಕುಮಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

ತಾಲ್ಲೂಕಿನಲ್ಲಿ ವಾಡಿಕೆಗಿಂತ ಶೇ 14ರಷ್ಟು ಹೆಚ್ಚು ಮಳೆಯಾಗಿದ್ದು, ದಶಕದ ನಂತರ ನಾರಿಹಳ್ಳ ಜಲಾಶಯವು ಭರ್ತಿಯಾಗಿದೆ.