ಅಂಜಲಿ ಈಗ ತಾಯಿ

ಆನೇಕಲ್: ತಾಲ್ಲೂಕಿನ ಬನ್ನೇರುಘಟ್ಟ ಉದ್ಯಾನದ ಸಸ್ಯಹಾರಿ ಸಫಾರಿಯ ಅಂಜಲಿ ಎಂಬ ಕಾಡೆಮ್ಮೆ ಆ.10ರಂದು ಮರಿಗೆ ಜನ್ಮ ನೀಡಿದೆ. 

2012ರ ಫೆಬ್ರವರಿಯಲ್ಲಿ ಮೈಸೂರು ಮೃಗಾಲಯದಿಂದ ಇಲ್ಲಿನ ಉದ್ಯಾನಕ್ಕೆ ತರುವಾಗಲೇ ಗರ್ಭಿಣಿಯಾಗಿದ್ದ ಅಂಜಲಿ ಈಗ ತಾಯಿಯಾಗಿದ್ದಾಳೆ. ತಾಯಿ ಹಾಗೂ ಮರಿಎರಡು ಆರೋಗ್ಯದಿಂದಿವೆ. ಈ ಮರಿ ಸೇರಿ 5ಗಂಡು ಹಾಗೂ 4ಹೆಣ್ಣು ಕಾಡೆಮ್ಮೆಗಳಿವೆ. ನವಜಾತ ಕಾಡೆಮ್ಮೆ ಮರಿ ವೀಕ್ಷಣೆಗೆ ಲಭ್ಯವಿದೆ ಎಂದು ಉದ್ಯಾನದ ಕಾರ್ಯನಿರ್ವಾಹಕ ನಿರ್ದೇಶಕ ಡಾ.ಆರ್.ರಾಜು ತಿಳಿಸಿದ್ದಾರೆ.