ವಿವಿಧೆಡೆ ವಿದ್ಯುತ್ ವ್ಯತ್ಯಯ ಇಂದು

ಸೂಲಿಬೆಲೆ: ಜುಲೈ 24ರಂದು ಬೆಳಿಗ್ಗೆ 10ರಿಂದ ಸಂಜೆ 4 ಗಂಟೆವರೆಗೆ ಸೂಲಿಬೆಲೆ, ನಂದಗುಡಿ ಹಾಗೂ ಹೊಸಕೋಟೆ ಕೈಗಾರಿಕಾ ಪ್ರದೇಶದ ವ್ಯಾಪ್ತಿಯಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ ಎಂದು ಹೊಸಕೋಟೆ ವಿಭಾಗದ ಬೆಸ್ಕಾಂ ಕಚೇರಿ ತಿಳಿಸಿದೆ.

ಸೂಲಿಬೆಲೆ ಪಟ್ಟಣ ಹಾಗೂ ಹೋಬಳಿಯ ಸುತ್ತಮುತ್ತಲಿನ ಗ್ರಾಮಗಳು, ನಂದಗುಡಿ ಹೋಬಳಿಯ ಶಿವನಪುರ, ಬೈಲನರಸಾಪುರ, ತಾವರೆಕೆರೆ, ವೋಲ್ವೊ ಪ್ರದೇಶ, ನೆಲವಾಗಿಲಿನ ಸುತ್ತಮುತ್ತಲಿನ ಗ್ರಾಮಗಳು ಹಾಗೂ ಹೊಸಕೋಟೆ ಕೈಗಾರಿಕಾ ಪ್ರದೇಶದ ದೊಡ್ಡಹುಲ್ಲೂರು, ಮಲ್ಲಿಮಾಕನಪುರ, ನಲ್ಲೂರಹಳ್ಳಿ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ.