ಬೆಳಗಾವಿ| ಸಂಭಾಜಿ ಪ್ರತಿಮೆ ಅನಾವರಣ: ಶೋಭಾಯಾತ್ರೆ ಆರಂಭ

ಬೆಳಗಾವಿ: ಸಾಕಷ್ಟು ವಿವಾದ, ಗೊಂದಲದ ಮಧ್ಯೆಯೂ ಇಲ್ಲಿನ ಧರ್ಮವೀರ ಸಂಭಾಜಿ ವೃತ್ತದಲ್ಲಿ ಭಾನುವಾರ ರಾತ್ರಿ ನಡೆಯಲಿರುವ ಸಂಭಾಜಿ ಪ್ರತಿಮೆ ಅನಾವರಣ ಕಾರ್ಯಕ್ರಮದ ಪ್ರಯುಕ್ತ, ಶೋಭಾಯಾತ್ರೆ ಆರಂಭಗೊಂಡಿದೆ.

ಅನಗೋಳದ ದತ್ತ ಮಂದಿರದಿಂದ ಹೊರಟಿರುವ ಯಾತ್ರೆಯಲ್ಲಿ ಸಾವಿರಾರು ಮಹಿಳೆಯರು ಕುಂಭ ಹೊತ್ತು ಸಾಗುತ್ತಿದ್ದಾರೆ. ಕಲಾವಿದರು ಜಾನಪದ ಕಲಾವಿದರು ಸಂಗೀತ ವಾದ್ಯಗಳನ್ನು ನುಡಿಸಿ ಸಂಭ್ರಮಿಸುತ್ತಿದ್ದಾರೆ. ಎಲ್ಲಿ ನೋಡಿದರೂ ಕೇಸರಿ ಬಾವುಟಗಳು ರಾರಾಜಿಸುತ್ತಿವೆ. ಧ್ವನಿವರ್ಧಕಗಳ ಅಬ್ಬರ ಜೋರಾಗಿದೆ.

ಯಾತ್ರೆ ಸಾಗಲಿರುವ ಮಾರ್ಗದ ಬದಿ ಸೇರಿದ ಶ್ರೀರಾಮ ಸೇನೆ ಹಿಂದೂಸ್ತಾನ್ ಸಂಘಟನೆ ಕಾರ್ಯಕರ್ತರು, ಶಾಸಕ ಅಭಯ ಪಾಟೀಲ ವಿರುದ್ಧ ಘೋಷಣೆ ಕೂಗುತ್ತಿದ್ದಾರೆ. ಹಾಗಾಗಿ ಸ್ಥಳದಲ್ಲಿ ಆತಂಕ ಮುಂದುವರಿದಿದೆ.

ಯಾವುದೇ ಅಹಿತಕರ ಘಟನೆ ನಡೆಯಬಾರದೆಂದು ಪೊಲೀಸರು ಬಿಗಿ ಭದ್ರತೆ ಕೈಗೊಂಡಿದ್ದಾರೆ.