ಕಂಟೈನ್ಮೆಂಟ್‌ ಝೋನ್‌ನಿಂದ ಸಂಕೇಶ್ವರಕ್ಕೆ ಮುಕ್ತಿ

ಬೆಳಗಾವಿ: ಹುಕ್ಕೇರಿ ತಾಲ್ಲೂಕಿನ ಸಂಕೇಶ್ವರ ಪಟ್ಟಣಕ್ಕೆ ‘ಕಂಟೈನ್ಮೆಂಟ್ ಝೋನ್‌’ನಿಂದ (ನಿರ್ಬಂಧಿತ ಪ್ರದೇಶ) ಮುಕ್ತಿ ನೀಡಲಾಗಿದೆ.

ಅಲ್ಲಿನ ಐವರಿಗೆ ಕೋವಿಡ್–19 ಸೋಂಕು ಕಾಣಿಸಿಕೊಂಡಿತ್ತು. ಅವರು ಗುಣಮುಖರಾಗಿರುವುದು ಹಾಗೂ ಹೊಸ ಪ್ರಕರಣಗಳು ವರದಿಯಾಗಿಲ್ಲದ ಹಿನ್ನೆಲೆಯಲ್ಲಿ, ಮೇ 29ರಿಂದ ಅನ್ವಯವಾಗುವಂತೆ ನಿರ್ಬಂಧಿತ ಪ್ರದೇಶದಿಂದ ಡಿನೋಟಿಫೈ ಮಾಡಿ ಜಿಲ್ಲಾಧಿಕಾರಿ ಡಾ.ಎಸ್.ಬಿ. ಬೊಮ್ಮನಹಳ್ಳಿ ಗುರುವಾರ ಆದೇಶ ಹೊರಡಿಸಿದ್ದಾರೆ.