ಬೆಳಗಾವಿ: ಕೋವಿಡ್ ಮಾಹಿತಿಗೆ ಜಾಲತಾಣ

ಬೆಳಗಾವಿ: ಕೋವಿಡ್ ಹಿನ್ನೆಲೆಯಲ್ಲಿ ಅಗತ್ಯ ಮಾಹಿತಿ ಒದಗಿಸುವುದಕ್ಕಾಗಿ ಜಿಲ್ಲಾಡಳಿತದಿಂದ ಜಾಲತಾಣ (https://belagavicovid19.com)ವನ್ನು ಇಂಗ್ಲಿಷ್‌ನಲ್ಲಿ ಆರಂಭಿಸಲಾಗಿದೆ.

ಕೆಲವು ಖಾಸಗಿ ಆಸ್ಪತ್ರೆಗಳ ಮಾಹಿತಿ ಮಾತ್ರವೇ ಲಭ್ಯವಿದೆ. ಸರ್ಕಾರಿ ಆಸ್ಪತ್ರೆಗಳ ವಿವರವಿಲ್ಲ. ಖಾಸಗಿ ಆಸ್ಪತ್ರೆಗಳು ಹಾಗೂ ಹಾಸಿಗೆ ಸೌಲಭ್ಯ, ಕೋವಿಡ್ ಪ್ರಕರಣಗಳು, ಲಸಿಕೆ ನೀಡಿಕೆ ಪ್ರಮಾಣ, ಸಹಾಯವಾಣಿ ಮಾಹಿತಿ ಮೊದಲಾದವುಗಳನ್ನು ತಾಣ ಒಳಗೊಂಡಿದೆ.

ಕೋವಿಡ್ ಚಿಕಿತ್ಸೆಗೆ ಅಗತ್ಯವಾದ ರೆಮ್‌ಡಿಸಿವಿರ್‌ಗೆ ಮನವಿ ಸಲ್ಲಿಸುವ ಅರ್ಜಿ, ಕೋವಿಡ್ ಸೋಂಕಿತರಿಗೆ ಆಹಾರ ಪೊಟ್ಟಣ ತಲುಪಿಸುವ ಸಂಘ–ಸಂಸ್ಥೆಗಳ ಸಂಪರ್ಕ ಸಂಖ್ಯೆಗಳನ್ನು ಹಾಕಲಾಗಿದೆ. ಮಾಹಿತಿ ಅಪ್‌ಡೇಟ್‌ ಮಾಡಲಾಗುತ್ತಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ.