ಅಜೀಂ ಪ್ರೇಮ್‌ಜಿ ವಿವಿ: ಅನುರಾಗ್ ಕುಲಪತಿ

ಬೆಂಗಳೂರು: ನಗರದಲ್ಲಿರುವ ಅಜೀಂ ಪ್ರೇಮ್‌ಜೀ ವಿಶ್ವವಿದ್ಯಾಲಯದ ಕುಲಪತಿಗಳಾಗಿ ಅನುರಾಗ್ ಬೆಹರ್ ಅವರು ನೇಮಕಗೊಂಡಿದ್ದಾರೆ. ವಿಶ್ವವಿದ್ಯಾಲಯದ ಕುಲಾಧಿಪತಿಗಳಾದ ಅಜೀಂ ಪ್ರೇಮ್‌ಜೀ ಅವರು ಮಂಗಳವಾರ ಈ ವಿಷಯವನ್ನು ಪ್ರಕಟಿಸಿದರು.

ವಿದ್ಯಾರ್ಥಿಗಳು ಜಾಗತಿಕ ಮಟ್ಟದಲ್ಲಿ ಸ್ಪರ್ಧೆ ನೀಡುವಂತಹ ವೃತ್ತಿಪರತೆ ಗಳಿಸಿಕೊಳ್ಳುವುದು, ಉನ್ನತ ಜ್ಞಾನ ಗಳಿಸುವುದಕ್ಕೆ ಪೂರಕವಾದ ಕಲಿಕೆ ಹಾಗೂ ವಿದ್ಯಾರ್ಥಿಗಳಲ್ಲಿ ಸಂಶೋಧನಾ ಮನೋಭಾವ ಮೂಡಿಸುವ ಮೂಲಕ ಹೊಸ ಅನ್ವೇಷಣೆ ಕೈಗೊಳ್ಳುವಂತೆ ಪ್ರೋತ್ಸಾಹಿಸುವುದು ವಿ.ವಿಯ ಉದ್ದೇಶ ಎಂದು ಪ್ರಕಟಣೆ ತಿಳಿಸಿದೆ.