ಡಾ. ರಾಜೇಗೌಡ ಕೃಷಿ ವಿ.ವಿ ಕುಲಸಚಿವ

ಬೆಂಗಳೂರು: ಬೆಂಗಳೂರು ಕೃಷಿ ವಿಶ್ವವಿದ್ಯಾಲಯದ ಹಂಗಾಮಿ ಕುಲಸಚಿವರನ್ನಾಗಿ ವಿ.ವಿ ಕೃಷಿ ಹವಾ­ಮಾನ ವಿಭಾಗದ ಮುಖ್ಯಸ್ಥ ಡಾ. ಎಂ.ಬಿ.­ರಾಜೇಗೌಡ ಅವರನ್ನು ನೇಮಕ ಮಾಡಲಾಗಿದೆ.

ಇದುವರೆಗೆ ಕುಲಸಚಿವರಾಗಿದ್ದ ಡಾ.ಎಚ್‌.ವಿ.ನಂಜಪ್ಪ ಅವರು ನಿವೃತ್ತರಾಗಿದ್ದರಿಂದ ಈ ನೇಮಕ ಮಾಡಲಾಗಿದೆ. ಪೂರ್ಣಾವಧಿಗೆ ಕುಲಸಚಿವರು ನೇಮಕ ಆಗುವವರೆಗೆ ಅವರು ಅಧಿಕಾರದಲ್ಲಿ ಇರಲಿದ್ದಾರೆ. ಕೃಷಿ ಹವಾಮಾನ ವಿಷಯಕ್ಕೆ ಸಂಬಂಧಿಸಿದಂತೆ ಹಲವು ಸಂಶೋಧನೆ ನಡೆಸಿದ ಅನುಭವ ಅವರದಾಗಿದೆ.