ತೆಂಗಿನಕಾಯಿ ಗಾತ್ರದ ರುದ್ರಾಕ್ಷಿ...

ನೆಲಮಂಗಲ:  ಇತಿಹಾಸ ಪೂರ್ವ ಕಾಲದ ಪ್ರಭೇದ ಒಂದರಿಂದ ವಿಕಾಸ ಹೊಂದಿರಬಹುದಾದ ತೆಂಗಿನಕಾಯಿ ಗಾತ್ರದ ನಾಗಲಿಂಗ ರೂಪದ ಏಕಮುಖ ರುದ್ರಾಕ್ಷಿಯೊಂದು ಸೃಷ್ಟಿಯ ಅಚ್ಚರಿಗೆ ಕನ್ನಡಿ ಹಿಡಿದಿದೆ.

ಮೆಣಸಿನ ಕಾಳಿನ ಗಾತ್ರದಿಂದ ಅಡಿಕೆಕಾಯಿ ಗಾತ್ರದ ರುದ್ರಾಕ್ಷಿಗಳನ್ನು ನಾವು ನೋಡಿದ್ದೇವೆ. ಆದರೆ ತೆಂಗಿನಕಾಯಿ ಗಾತ್ರದ ಎರಡು ಕಿಲೊ ತೂಕದ ರುದ್ರಾಕ್ಷಿ ಮೇಲೆ ಲಿಂಗಾಕೃತಿ, ಅದರ ಮೇಲೆ ನಾಗರ ಹೆಡೆಯ ರೂಪದ ಏಕಮುಖ ರುದ್ರಾಕ್ಷಿ ಆಕರ್ಷಕವಾಗಿದೆ.

ದಾಸನಪುರ ಹೋಬಳಿಯ ಚಿಕ್ಕನಾಯಕನಪಾಳ್ಯದ ಶ್ರೀಪ್ರಶಾಂತ ಚಾಮುಂಡೇಶ್ವರಿ ದೇವಾಲಯದಲ್ಲಿ ಪ್ರತಿಷ್ಠಾಪಿಸಿರುವ ವಿಶೇಷ ರುದ್ರಾಕ್ಷಿಯನ್ನು ಭಕ್ತರ ದರ್ಶನಕ್ಕೆ ಇಡಲಾಗಿದೆ.